Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Quechua -- Perform a PLAY -- 127 (Too late)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

127. Ancha qhepa


Qocha kantuman chayasqankutawan, barcomanta jurayk’urasqanku. Patamantapis urmayk’amunman jina kasqa Jairopajqa, imaraykuchus Jesústa imata jina suyashasqa, may chhika runakuna chawpita ñak’ayta k’ikikuspa Jesuspa ñawpaqenman chayaspa qonqoriykukusqa.

Jairo: "Waway wañushanñapuni, jakulla usqayta arí, ama jina kaspa makisniykita wawayman llankhaykunki ama wañunampaj."

Jesúsqa Jairowan wasinman risqanku. Mana astawan tardeyachikunankupaj usqay usqayta rishasqanku, chanta ¿imaraykutaj Jesús sayarpanrí?

Jesús: "¿Pitaj llankhaykuwan?"

Hombre: "Mana noqachu, kaypi tukuypi k’ikimushanku, wakinta tanqamushankoqa."

Jesúsqa kutiriytawan qhawarisqaraj, chaypitaj uj warmi kharkatishasqa, rimarisqataj tukuy imachus kasqanta.

Mujer: "Mantuykej kantullantaj llankhariyta munarqani. 12 watakunataña onqosqa karqani. Nimayqen médico, nitaj ima jampi qowasqankupis thañiyachiwarqachu. Sanoyayta munaspa tukuy qolqeyta tukunipis. Mantuykita llankharejtiykamataj, chayratopacha sanoyani."

Jesús: "Creesqayki salvasunki, ama manchachikuychu."

Creeyqa yanapan, Jesúspi creenki chayqa, mana llakikunkichu, ¿chayri yuyankichu wakinkuti ajina kananta?

Mensajero: "¿Kunanri, maypitaj kashan Jairorí? Jairo, uj mana allin willaywan jamushani, wawayki wañupumpuni."

Chay wawaqa 12 watallayojraj kasqa, Jairoj feyninqa apagakunampajña kashasqa imaynatachus wayrapi velaj k’achaynin apagakun jinata.

Jesús: "Ama manchachikuychu. ¡Creellaypuni!"

Chay Jesuspa nisqasninqa Jairoj creeyninta kawsarichillasqataj. Wasinman chayashajtinkuñataj, wasi punkuman manchay llakiywan waqaswanku uyarikamusqaña.

Jesús: "¿Imaraykutaj waqashankichejrí? Wawaqa mana wañusqachu, puñushallan."

Chaypi kaj runakunataj Jesústa uyarispa asikusqanku. Tukuy rikusqankuña, wañusqañapuni wawaqa kasqanta. Jesústajrí, tukuyta chay wasi ukhumanta qharqomusqa.

Wawaj tatanmanakuna, chanta kinsa kawsaqenkuna imalla chay wasi ukhupi qhepakusqanku. Ch’insito chay ukhu karqosqa, Jairoqa chay ñawpajllata Jesús nisqampichu yuyashanman karqa. ¿¡Ama manchachikuychu, creellaypuni!? Wawanta wañusqata rikuspapis, ¿creellanmampunichu karqa?

Jesúsqa wañusqa wawaman qayllaykuspa makinmanta jap’ispa.

Jesús: "Talita cumi. Ch’iriska, sayariy."

Tatanmamankunaqa rikusqanku imaynatachus ñawisninta kicharispa sayaykojta.

Jesús: "¡Imallatapis mikhunampaj qoychej!"

Chayta onqosqasta sanoyachej, wañusqastapis kawsarichej Señor nisqa.

¡Jesúsqa tukuy imatapuni atin! uj imallata mana atinchu: pikunachus paypi creejkunata sonqo p’akisqata saqeyta.

Chayrayku mana imananchu: imachus kawsayniykipi kasqanqa: ama manchachikuychu, creellaypuni.


Personajes: Relator, Jairo, Jesús, hombre, mujer, mensajero

© Copyright: CEF Germany

www.WoL-Children.net

Page last modified on August 08, 2023, at 05:08 PM | powered by PmWiki (pmwiki-2.3.3)