STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 165 (The secret place is taken 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 561. خفیہ جگہ لےلئی گئی ۳روتھ (جوش نال): ”مارگریٹ ماسی، روبنجر صاحب دی بیوی نے مینوں بلایا اے۔ تے آکھیا اے پئی میَں اوہناں دے بچیاں نوں ہفتے دے دن آپنے نال سیر اُتے لے کے جاواں۔ کیہ میَں چلی جاواں؟ مہربانی نال ہاں کرو!“ ماگریٹ ماسی: ”میرے خیال وچ ایس طرح نئیں ہو سکدا۔ میَں مِلر صاحب دی بیوی نال وعدہ کیتا اے پئی توں اوہناں دی بھتیجی نال کھیڈیں گی۔“ روتھ: ”پر میَں ایس طرح نئیں کرنا چاہندی! مینوں اوہ بڑی بُری لگدی اے! میَں اوتھے جاواں گی جتھے میرا دِل کرے گا!“ ماگریٹ ماسی: ”مینوں کوئی پرواہ نئیں!“ (بوہے نوں زور نال بند کرن دی واج) پر روتھ نوں پرواہ سی۔ اوہ بستر اُتے لیٹ گئی تے تھوڑا روئی۔ ماگریٹ خالہ: ”روتھ تیرا مسئلہ کیہ اے؟“ روتھ (روندی ہوئی): ”میَں فیر تھوں بُری بن گئی ساں۔ کیہ چنگا ایالی مینوں اجے وی پیار کرے گا؟ ماگریٹ ماسی، کیہ تہانوں لگدا اے پئی اوہ مینوں معاف کر دے گا؟“ ماگریٹ ماسی: ”ہاں ضرور، روتھ۔ جے توں واقعی شرمندہ ایں تے خداوند یسوع کولوں معافی منگ لے، تے اوہ تینوں معاف کر دیوے گا۔“ روتھ نے دعا کیتی۔ تے اوہنے آپنی ماسی نوں وی آکھیا پئی اوہ اوہنوں معاف کر دیوے۔ فیر اوہ اطمینان تے خوشی نال سو گئی تے اگلے دہاڑے دی اُڈیک کرن لگی۔ روتھ تے فلپ جنگل وچ آپنے خفیہ ٹھکانے تے جان دا منصوبہ بنا رہے سن۔ دونہویں بہن بھرا صبح چھیتی ای غیب ہو گئے۔ سنگنیاں جھاڑیاں وچ اوہناں دی جھُگی بالکل اوسے طرح لگدی پئی سی جس طرح اوہ پہلاں سی۔ فلپ ریڑدا ہویا کھُلے پاسیو اندر گیا، پر اوہ چھیتی ای باہر نکل آیا۔ فلپ: ”اندر کوئی ہے اے! باہر نکل ہن ای! ایہہ ساڈی جھُگی اے۔“ ٹیری: ”مینوں تیری بیکار جھُگی نئیں چاہیدی۔ میں ایہدے نالوں چنگی بنا سکدا اَں۔“ اک مُنڈا پرانی بُوشٹ تے پاٹی ہوئی پینٹ پایاں ریڑدا ہویا اوہناں دی جھُگی وچوں باہر نکلیا۔ اوہدی عمر تقریباً دس سال سی۔ فلپ تے روتھ نوں اوہ چنگا لگن لگا۔ ٹیری اوہناں دا ساریاں تھوں چنگا بیلی بن گیا۔ اوہناں نے اوہنوں آپنی تفریح وچ شامل کر لیا تے اوہنے اوہناں نوں جنگل دے بہت سارے لُکے بھید دسے۔ ٹیری باندر وانگ درختاں اُتے چڑھ سکدا سی۔ کوئی وی رُکھ اوہدے لئی بہتا اُچا نئیں سی۔ فلپ: ”ٹھہرجا، ٹیری! اگے ناں ودھیں! اوہ ٹہنی بڑی پتلی اے!“ (ٹہنی دے ٹُٹن دی واج) فیر اوہ ٹُٹ گئی تے ٹیری دھرتی اُتے ڈِگ پیا۔ اوہ اوتھے پیا سی تے اوہدے لئی اُٹھنا مشکل سی۔ فلپ: ”روتھ، میرا خیال اے اوہ اجے وی جیوندا اے۔ توں اوہدے کول رہو تے میَں جا کے مدد لے کے آوندا اَں۔“ روتھ نوں ٹیری دے بارے وچ ڈر سی تے اوہنے دُعا کیتی: روتھ: ”خداوند یسوع، مہربانی نال ٹیری نوں مرن ناں دیو۔ میَں اوہنوں تہاڈے بارے دسنا چاہندی اَں تاں پئی اوہ وی تہاڈی اک بھیڈ بن سکے۔“ آخرکار مدد آگئی۔ بڑی احتیاط نال، ٹیری نوں بیماراں دی منجھی اُتے لٹایا گیا تے ہسپتال لے کے جایا گیا۔ فلپ: ”روتھ، کیہ تہانوں لگدا اے پئی ٹیری مر جاوے گا؟“ تہانوں اگلی کہانی وچ پتہ چل جاوے گا۔ لوک: بیان کرن والی، روتھ، ماگریٹ ماسی، فلپ، ٹیری حقوق: بحق سی ای ایف جرمنی محفوظ نے۔ |