Macedonian, Dramas: Piece 165 – Тајното место е зафатено 3

Home -- Macedonian -- Perform a PLAY -- 165 (The secret place is taken 3)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- MACEDONIAN -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

КУСИ ИЗВЕДБИ – одглуми ги пред други деца!

Куси изведби за да ги изведуваат деца

165. Тајното место е зафатено 3

Рут (возбудено): „Тетка Маргарет, ме покани госпоѓа Робингер. Треба да ги однесам нејзините близнаци на прошетка в сабота. Може ли? Те молам кажи да!“

Тетка Маргарет: „За жал, не може, зашто ѝ ветив на госпоѓа Милер дека ќе си играте со нејзината внука“.

Рут: „Но јас не сакам! Ја мразам! Ќе одам каде што сакам!“

Тетка Маргарет: „Рут, оди во твојата соба. Помислив дека се измени“.

Рут: „Не ми е грижа!“ (звук на затворање врата со треснување)

Но на Рут ѝ беше грижа. Се фрли на креветот и многу плачеше.

Тетка Маргарет: „Рут, што е работата со тебе?“

Рут (липајќи): „Повторно бев лоша. Дали Добриот Пастир сè уште ме сака? Тетка Маргарет, дали мислиш дека ќе ми прости?“

Тетка Маргарет: „Се разбира, Рут. Ако навистина ти е жал и Го замолиш Господ Исус да ти прости, тогаш ќе ти прости“.

Рут се молеше. Ја замоли и тетка ѝ да ѝ прости. Потоа заспа со мирна совест и се радуваше на утрешниот ден.

Рут и Филип планираа да одат на нивното тајно место во шумата Вилден.

Многу рано братот и сестрата тргнаа по патот.

Нивниот вигвам во густата шума изгледаше како и секогаш. Филип ползејќи влезе низ отворот, но веднаш излезе.

Филип: „Има некој внатре! Еј, излези веднаш надвор! Оваа е наша колиба“.

Тери: „Воопшто не ми треба вашата глупава колиба. Можам да изградам подобра“.

Едно момче со износена кошула и искинати панталони се извлече од нивната колиба. Имаше околу десет години. На Филип и Рут веднаш им се допадна. Тери им стана најдобар пријател. Тие ја поделија својата храна со него и тој им покажа многу тајни во шумата Вилден.

Тери можеше да се качува како мајмун. Немаше дрво што беше превисоко за него.

Филип: „Чекај, Тери! Немој повеќе! Таа гранка е многу тенка!“

(звук на кршење на гранка) Тогаш се скрши и Тери падна на земјата. Неподвижно лежеше таму.

Филип: „Рут, мислам дека сè уште е жив. Остани со него, а јас ќе отидам и ќе повикам помош“.

Рут се плашеше за Тери и се помоли:

Рут: „Господе Исусе, Те молам не дозволувај Тери да умре. Сакам да му кажам за Тебе за да може да стане една од Твоите овци“.

Конечно дојде помош. Внимателно Тери беше ставен на носилка и однесен в болница.

Филип: „Рут, мислиш ли дека Тери ќе умре?“

Ќе дознаеш во следната драма.

Улоги: Раскажувач, Рут, тетка Маргарет, Филип, Тери.

STORIES for CHILDREN by Sister Farida

165. Тајното место е зафатено 3