STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 148 (The hardest test 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 841. سب توں ڈاھڈا امتحان ۳کیہ میَں ٹھیک اَں؟ جدوں تہانوں کوئی مشکل امتحان دینا ہووے تے تُسی بہتا بستر اُتے رہندے ہو۔ پر ابرہام نے ایس طرح نہیں کیتا۔ اوہ چھیتی اُٹھ گیا۔ اوہدا امتحان ریاضی یا سائنس وچ نہیں لیا گیا۔ خدا نے اوہدے ایمان دا امتحان لیا۔ خدا دی واج: ”ابرہام!“ ابرہام: ”میَں حاضر اَں۔“ خدا دی واج: ”اضحاق نوں لے، تیرا اکلوتا پُتر جنہوں توں پیار کردا ایں، تے موریاہ دے علاقے وچ جا۔تے پہاڑ اُتےاینوں قربان کر دے؛ میَں تینوں دساں گا کیہڑی تھاں اُتے۔“ جیہڑا وی خدا نوں نہیں جاندا تےناں ای اوہنوں پیار کردا اے اوہ ایہہ ای سوچے گا پئی اوہ ظالم خدا اے۔ ابرہام نے اوہدے بارے وچ بالکل وی بُرا نہیں سوچیا جیہڑا اوہنوں آزماندا سی۔ بائبل سانوں صاف دسدی اے: ابرہام چھیتی نال اُٹھیا تے آپنے کھوتے نوں لدیا۔ اوہنے قربانی لئی لکڑاں لدیاں، تے آپنے نال دو نوکراں نوں لیا تے آپنے پُتر نوں وی، اضحاق نوں۔ اوہناں نے تقریباً ۰۷ میل دا سفر طے کیتا۔ ایہہ اک لمبا سفر سی، ایسا سفر جہدے تھوں اوہ کدی وی مُڑ سکدے ساں۔ تین دِن بعد، ابرہام نوں پہاڑ دِسن لگیا۔ اوہنے آپنے نوکراں نال گل کیتی۔ ابرہام: ”کھوتے نال ایتھے ای ٹھہرو۔ میَں تے میرا پُتر خدا دی عبادت کرن چلے اَں۔ اوہدے بعد اسی مُڑ آ جاواں گے۔“ کیہ تُساں ایہہ سُنیا؟ ابرہام نے آکھیا: اسی مُڑ آواں گے۔ اوہنوں پکا یقین سی پئی خدا اضحاق نوں مُڑ جوا دے گا۔ پُتر نے لکڑاں پھڑ لیاں، پیو نے بلدے ہوئے کولیاں دی انگیٹھی پھڑی تے نال ای چھُری وی۔ تے فیر اوہ کٹھےٹُرن لگ پئے۔ اضحاق: ”ابا جی!“ ابرہام: ”بول میرے پُتر۔“ اضحاق: ”ساڈے کول لکڑاں تے اگ اے، پر ساڈے کول سوختنی قربانی لئی برّہ کِتھے وے؟“ ابرہام: ”اسی ایہہ گل خدا اُتے چھڈنیں اَں۔ میرے پُتر اوہ سانوں برّہ مہیا کرے گا۔“ جدوں اوہ اوس تھاں اُتے آپڑ گئے جیہڑا خدا نے اوہناں نوں وکھایا، ابرہام نے مذبح تیار کیتا تے لکڑاں اوہدے اُتے دھریا۔ اوہنے آپنے پُتر اضحاق نوں بنھیا تے اوہنوں مذبح اُتے لٹایا۔ تے فیر اوہنے چھُری لئی۔ فرشتہ: ”ابرہام! ابرہام!“ ابرہام: ”میَں حاضر اَں۔“ فرشتہ: ”آپنے پُتر نوں زخمی ناں کر۔ ہن مینوں سمجھ آ گیا اے پئی توں آپنے پُتر نالوں وی بہتا آپنے خدا نال پیار کردا ایں۔“ ابرہا م نے ساریاں نالوں مشکل امتحان وچ کامیابی حاصل کر لئی سی۔ موریاہ دے مقام تھوں کجھ ای گز دور کافی سالاں بعد خدا نے آپنا پُتر قربان کر دِتا، تاں جو اسی اوہدے پُتر بن سکئے جے اسی اوہدے اُتے یقین رکھئے۔ کیہ تُسی ہن ای میرے نال دُعا کرو گے؟ ”مالک یسوع، میَں وی ابرہام وانگ تیرے اُتے ایمان رکھدا / رکھدی اَں۔ جے کسے دا ایسا ایمان ہووے تے اوہنوں کیہ ہو سکدا اے؟“ لوک: بیان کرن والی، ابرہام، خدا دی واج، اضحاق، فرشتہ حقوق: بحق سی ای ایف جرمنی محفوظ نے۔ |