STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 126 (So close – and yet so far) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 621. اینی نیڑے پر فیر وی بہت دُورآدمی: ”کاش میرے کول ایہہ ہوندی، ایہہ جیہڑی وی شے اے۔ میرے کول کمی اے کسے شے دی۔ میَں دنیا وچ کس طرح اینہوں حاصل کر سکدا اَں؟“ امیر نوجوان حاکم دی زندگی وچ کسے شے دی کمی سی۔ کسے نے وی ایہدے اُتے غور ناں کیتا۔ اوہ کامیاب سی، سوہنا تے بڑا، بڑا امیر سی۔ پر کسے شے دی کمی سی۔ اوہ وی ایہہ جاندا سی۔ کیہ ایہہ اوہ شے ہو سکدی اے جہدی کمی تہاڈی زندگی وچ وی اے؟ اوہ ایہدی وجہ تھوں بڑا بے چین سی۔ اوہ اینہوں کس طرح حاصل کر سکدا سی؟ یسوع نوں ایہدا جواب پتہ ہونا چاہیدا اے۔ بندہ: ”اے نیک اُستاد، مینوں سدا دی حیاتی لئی کیہ کرنا ہووے گا؟“ ایہہ اوہ شے سی جہدی کمی سی۔ سدا دی حیاتی جیہڑی یسوع اُتے ایمان لیاون تھوں شروع ہوندی اے تے آسمان اُتے وی جاری رہندی اے ساڈے مرن دے بعد وی۔ اوہ ایہہ چاہندا سی۔ یسوع: ”جے توں سدا دی حیاتی چاہندا ایں، تے حکماں اُتے عمل کر: چوری نہ کر، جھوٹ نہ بول، آپنے ماں پیو دی عزت کر۔“ بندہ: ”میَں آپنی پوری حیاتی اینہاں حکماں اُتے عمل کیتا اے۔“ کیہ تُسی وی خود نوں ایس قابل سمجھدےاو پئی تُسی وی ایہہ جواب دے سکدے ہو؟ یسوع: ”تے فیر جو کجھ تیرے کول ہے اے اوہ ویچ دے تے سارا کجھ غریباں وچ ونڈ دے۔ تے میرے پیچھے آ جا۔“ جدوں امیر بندے نے ایہہ گل سُنی، تے اوہ حیران ہوگیا، کیوں جو اوہ بڑا، بڑا امیر سی۔ دُکھی ہو کے اوہ مُڑ ٹر گیا۔ اوہدے لئی یسوع تے سدا دی حیاتی تھوں بہتی قدر اوہدے پیسے دی سی۔ کُڑی: ”کیہ کوئی بندہ ایسا نہیں ہو سکدا پئی امیر وی رہوے تے یسوع دے پیچھے وی ٹُرے؟“ ہاں کیوں نہیں۔ سوال اوہ ای اے: پئی پہلا درجہ کنہوں دتاجاوے۔ آﺅ اک تجربہ کردے اَں۔ کُڑی: ”ایہہ موم بتی کہدے لئی اے؟“ میَں موم بتی نوں یسوع نال ملاندی پئی اَں، جیہڑا دُنیا دا نور اے۔ مُنڈا: ”کیہ میَں اینہوں بال سکدا اَں؟“ (ماچس بالن دی واج) کُڑی: ”ایہہ صاف دِسدا پیا اے پئی ایہہ کس طرح بلدی اے۔“ کیہ ہووے گا جے میَں ۰۰۱ دا نوٹ پھڑ کے ایہدے اگے کراں؟ کُڑی: ”پیسیاں نال لَو رُک جاوے گی۔“ مُنڈا: ”مینوں سمجھ آ گیا! پیسہ اوہدے لئی بہتی قدر رکھدا سی، تے یسوع بعد وچ۔“ کُڑی: ”ایسے کر کے اوہ یسوع تھوں دُور ہو گیا۔“ ایہدا دوجا رُخ وی ہو سکدا سی۔ ہن میَں نوٹ نوں موم بتی دے پچھلے پاسے رکھاں گی۔ مُنڈا: ”ہن یسوع پہلاں اے تے پیسیاں اُتے لو پیندی پئی اے۔“ تُساں ویکھیا اے پئی شیواں دی قدر دی ترتیب کڈی ضروری اے؟ امیر نوجوان حاکم دی زندگی وچ پیسیاں دی قدر پہلے درجے اُتے سی۔ ایہدی وجہ تھوں، چھیتی ای سانوں پتہ لگ گیا پئی اوہ آسمان دی بادشاہی وچوں کڈھ دِتا گیا۔ ایہہ بڑے افسوس دی گل اے پئی اوہدی کہانی ایس طرح ختم ہوئی۔ میَں اُمید کردی اَں پئی یسوع دے نال تہاڈی حیاتی ایس طرح ختم نہیں ہووے گی۔ آپنی حیاتی وچ سدا لبھدے رہو پئی کیہ کدی تہاڈی حیاتی وچ کوئی ایسی شے تے نہیں آئی جیہڑی یسوع نالوں بہتی قدر رکھدی اے۔ لوک: بیان کرن والی، بندہ، یسوع، کُڑی، مُنڈا حقوق: بحق سی ای ایف جرمنی محفوظ نے۔ |