STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 101 (Well-hidden 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 101. چنگی طرح لُکایا ہویا ۱پیٹرک خوشی دے نال بچیاں دے نال رہیا۔ سانوں ہاسا آ گیا جدوں اوہنے آکھیا: میرا اک بچہ سی۔ بہت سال پہلاں مصر وچ، مریم بڑی خوش سی پئی اوہدا اک بھرا اے۔ اوہ بڑا سوہنا سی! پر مریم اوہدے بارے وچ کجھ دس نئیں سی سکدی۔ فرعون دے ظالم حُکم دے سببوں اوہدی ماں نوں اوس بچے نوں لُکانا پیا۔ فرعون: ”اسرائیلی دن بہ دن ودھدے جاندے نے۔ مینوں ڈر اے پئی اوہ ساڈے دشمن بن جان گے۔ میَں آپنے لوکاں نوں حکم دیندا اَں: جدوں وی کوئی اسرائیلی بی بی بچہ جمے تے تُسی لوک اوسے ویلے اوہنوں نیل دے دریا وچ سُٹ چھڈنا۔“ قتل کرن دا خوف ناک حُکم! کیہ ایہہ کافی نئیں سی پئی فرعون نے اسرائیلیاں نوں مجبور کیتا پئی اوہ اوہدے غلام بنن؟ پر اک نِکے بچے دے ماں پیو نے خدا اُتے بھروسہ رکھیا تے آپنے بچے نوں تین مہینے تیک لُکا کے رکھیا۔ تے خدا دا نہ دِسن والا ہتھ نِکے بچے دی راکھی کردا پیا سی۔ پر جُوں جُوں اوہ وڈا ہویا تے ہن اوہ اوہنوں ہور نئیں لُکا سکدے سن۔ مریم: ”امی، تُسی سرکنڈیاں نال کیہ کردے پئے او؟“ ماں: ”میَں اک ٹوکری بناندی پئی اَں۔ تے، ہن ڈھکن لئی۔ کیہ توں مینوں اوہ رال والا بھانڈا پھڑا سکدی ایں؟“ مریم: ”تہانوں اوہ کیوں چاہیدا اے؟“ ماں: ”تاں جو ٹوکری وچ پانی نہ جاسکے۔ مریم، سانوں آپنے قیمتی خزانے نوں دُور کرنا ہووے گا۔“ مریم: ”تُسی اوہدے نال کیہ کرن لگے او؟“ ماں: ”میَں اوہنوں ٹوکری وچ رکھ دیاں گی تے ایہنوں لمبے گھا وچ نیل دے دریا دے کنڈے رکھ دیاں گی۔“ مریم: ”تے فیر؟“ ماں: ”فیر سانوں اُڈیک کرنی ہووے گی تے ویکھنا ہووے گا پئی کس طرح خدا دا ناں دِسن والا ہتھ ایہدی راکھی کردا اے۔“ اوہ چپ کر کے دریا وَل گئیاں۔ ایہہ ماں لئی سوکھی گل نئیں سی، پر فیر وی اوہنے ایس طرح کیتا کیوں جو اوہنے خدا اُتے بھروسہ کیتا۔ ماں: ”مریم، اینوں سرکنڈیاں وچ لُکا دے تے ویکھدی رہویں پئی کیہ ہوندا اے۔ مینوں ایتھے نئیں دِسنا چاہیدا ایس لئی میَں مُڑ گھرجاواں گی۔“ تے فیر کوئی آیا۔ فرعون دی دھی آپنیاں خدمت گزاراں دے نال نیل دے دریا اُتے نہان آئی۔ شہزادی: ”اوہ کیہ اے؟ اوہ سوہنی ٹوکری میرے کول لے کے آﺅ۔“ مریم دا دِل زور نال دھڑکن لگ پیا۔ کیہ شہزادی اوہدے بھرا نوں نیل دے دریا وچ سُٹ دیوے گی؟ (بچے دے رون دا واج) شہزادی: ”ایہہ اسرائیلی بچہ اے۔ مینوں ایہدے اُتے بڑا ترس آوندا پیا اے۔“ مریم باہر نکل آئی۔ مریم: ”کیہ میَں کوئی ماں تلاش کراں جیہڑی بچے نوں پال سکے؟“ شہزادی: ”ایہہ چنگی صلاح اے۔ ایسے طرح کرو۔“ تُسی سوچ سکدے ہو مریم نے کیہڑی ماں نوں لبھیا ہووے گا۔ بچے دی آپنی ماں نوں بچہ واپس مل گیا تے اوہنوں اجازت سی پئی اوہ کجھ سال بچے دا خیال رکھے۔ اوہناں نے آپنے پورے دل نال خدا دا شکر ادا کیتا، کیوں جو اوہدے ناں دِسن والے ہتھ نے زبردست طریقے نال اوہناں دی راکھی کیتی سی۔ کیہ ایہہ سچ نئیں پئی خدا نے بڑی وار تہاڈی راکھی کیتی اے، ایس طرح ای اے ناں؟ کجھ ویلا کڈھ کے اوہدا شکر کرو پئی اوہ تہاڈی راکھی کردا اے۔ لوک: بیان کرن والی، فرعون، مریم، ماں، شہزادی حقوق: بحق سی ای ایف جرمنی محفوظ نے۔ |