Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Platt (Low German) -- Perform a PLAY -- 048 (Small man – big cheat)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

48. Kjliena Maun – groot im stälen


(Väl Menschen)

Zachäus: "Got wajch! Lot mie derch!"

Maun: "Waut saul daut, daut hia soo jeschupst woat? Dan kunn jiedra komen."

Zachäus: "Ekj kaun nuscht seenen."

Maun: "Hool diene Klaup (Mul) un veschwinj hia."

Hee kaum nich derch. Aula kjanden am. Oba kjeena kunn am lieden. Hee haud een groossoatkjet Hus un siene Kjleeda wieren von dee nieeste Mood. Hee wia ziemlich kjlien, oba sea rikj. Jiedra wisst daut, daut hee sien Jelt nich opprechtich vedeenen deed. Siene Nomen bediet Onschuldijch, oba hee deed aule Menschen sea hinjagonen, dee kjliena Zachäus.

Hee wia eena von dee väaschti Takskollakjta. Wäa Woa nenfieren deed, dee musst bie am Taks tolen. Zachäus hild sich nich aun de Väaschreften. Hee deed de Menschen väl to väl auftrakjen. De Leida in Room wia daut uk krajt endoont, un doawäajens kun hee doonen waut hee wull. Dis Onschuldja Maun muak sich sea schuldijch.

Zachäus haud väl Jelt, oba hee wia nich jlekjlich. Un dan een Dach passieed waut in Jericho: Jesus kjemt! Daut wull sich dis kjliena Maun nich derchgonen loten. Hee wull Jesus kjanen lieren, oba dee aundre Menschen wieren ver am, soo daut hee nich seenen kun. Doa wia een Boom, daut kun doch eene goode Idee senen! Schwind klautad hee nopp. Werklich, doa kun hee goot seenen. Jesus kaum! Hee kaum ema noda. Stall die de Äwarauschung fäa: Jesus bleef unja däm Bomm stonen. Zachäus sien Hoat klopat ema schwinda. Jesus kjijt nohecht. Hee kjijd am gaunz jlikj in de Uagen. Woo kun daut senen daut dee am kjand? Hee deed am aunräden:

Jesus: "Zachäus, krup schwind vom Boom rauf. Ekj mott die vendoag in dienem Hus besiekjen."

Zachäus deed uk fuatz waut Jesus säd, un kroop rauf. Met freiden deed hee Jesus in sien Hus nenleiden. Oba dee aundre räajden sich opp.

Maun: "No däm jeit Jesus? Weet hee nich waut daut fa een Stäla es?"

Oba jo, Jesus wisst daut. Oba doawäajens leewd Jesus am doch. Zachäus lieed Jesus kjanen un bekjand am siene gaunze Schult.

Zachäus: "Har Jesus, daut vespräakj ekj die: De Halft von mienem Rikjtum jäw ekj de Oame. Un wäm ekj to väl Jeld wajchjenomen hab, daut woa ekj vea Mol sooväl trijtolen."

Jesus: "Zachäus, nu best du jerat, wiels ekj sie jekomen, om de Veloarne to siekjen un to raden."

Uk no die well Jesus komen. Doo am doch enloden un am sajen, waut die bedräkjt, un dan brinjt hee uk dien Läwen in Ordnung.


Persoonen: Eena waut vetalen deit, Zachäus, Jesus, Maun

Copyright: CEF Germany

www.WoL-Children.net

Page last modified on August 08, 2023, at 07:43 AM | powered by PmWiki (pmwiki-2.3.3)