STORIES for CHILDREN by Sister Farida(www.wol-children.net) |
|
|
Home عربي |
Home -- Platt (Low German) -- Perform a PLAY -- 047 (Arsonist 6) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen
47. De Kjoakj saul vebrent 6Aum Sindach Owent saut TiFam buten un kjijd to, woo de Sonn hinja de Boaj von Haiti unjajinj. See wia soo jlekjlich, wiels see wie ver kortem een Kjint Gottes jeworden. Oba äa Voda, de Zeibadokta Orestil, haud ar de Bibel wajchjenomen un veräten. Oba däm Harn Jesus, däm TiFam im Hoaten haud, kun hee ar nich wajchnämen. TiFam wia nich bossich opp äarem Papa, dee doa opp däm Hof bie eenem Fia seten deed un sich woamd. See wia am doawäajens goot. Aus dee aul dee groote Nieichkjeit weeten wudd? TiFam: "Papa, Viktor kjemt nu jieden Sindach no ons Darp prädjen." Orestil: "Daut sull hee leewa tochloten." Orestil brumelt ver sich han, hee deed oba nuscht veroden, daut hee Zemorjens hinja de Kjoakj tojehorcht haud. Hee musst bloos ema aun Viktor siene Wieeda denkjen. Viktor: "Jesus haft mien Läwen veändat. Ekj hab fa de Jeista Angst jehaut un hab dän uk jedeent. Oba aus ekj von Gott siene Leew hieed, jleewd ekj aun am. Nu sie ekj froo, un weet, daut Jesus ema bie mie es. Ekj sie niemols mea auleen." Orestil jinj in daut kjliene Huskje, waut hee fa de Jeista jebut haud. Orestil: "Jie Jeista, wiest mie june Macht. Dot Fia opp dise Kjoakj faulen loten doamet dee vebrent. Saul ekj junt doabie halpen?" Meddel en de Nacht druach Orestil een Holtstekj waut brennd no de Kjoakj. Hee lacht un hild daut Fia aum Stroodak. Oppeenmol reet eene Haunt sienen Oarm rauf. Dan bruack de Zeibra toop. Orestil: "Viktor, wua kjemst du häa." Viktor: "Jesus haft mie jeschekjt, om met die to räden. Hee leeft die." Orestil: "Kaun hee mie noch leewen? Ekj hab de Jeista jedeent, un ekj hab jeloagen un wull die dootmoaken un de Kjoakj aunstekjen. Miene TiFam habekj de Bibel veräten. Kaun hee mie dan noch goot senen?" Viktor: "Fa aul diene Sinden es hee aum Kjriez jestorwen. Hee well die vezeien." Orestil: "Mie deit daut leet, waut ekj jedonen hab. Ekj wensch mie Fräd, un well nu uk een Gotteskjint woaren." De Zeibra meent daut iernst. Hee vebrend aul siene Zeibariesachen un fonk een nieet Läwen aun. Jiedra, dee sien strolendet Jesejcht sach, freid sich. Doch aum aulamieschten freid sich TiFam. Jesus es Sieja, in Haiti un uk bie ons. Hee nemt jiedrem aun, dee no am kjemt, un een Gotteskjint woaren well. Oba "Aul dee, dee am oppneemen, un aun sienen Nomen jleewen, jeef hee de Macht, Gott siene Kjinja to woaren" (Johanes 1,12), soo steit daut en de Bibel. Persoonen: Eena waut vetalen deit, TiFam, Orestil, Viktor Copyright: CEF Germany |