Malagasy, Dramas: Piece 004 – Mety manao zava-mahagaga ny vavaka

Home -- Malagasy -- Perform a PLAY -- 004 (Prayers can cause miracles)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

4. Mety manao zava-mahagaga ny vavaka

Feno vovoka ny arabe, mibaliaka ny masoandro teny amin'ny lanitra. Nipetraka teo amoron-dalana indray ilay mpangataka. Isaky ny mandre dian-tongotra izy dia manolo-tanana mangataka.

Bartimeo: "Ampio aho! Mba omeo vola kely aho, azafady!"

Nisy olona sasany niantra an'i Bartimeo, ny hafa kosa tsy niraharaha azy.

Indray andro, voambara fa teny an-dalana daholo ny olona rehetra tao Jeriko.

Bartimeo: "Fa inona no mitranga?"

Lehilahy iray: "Jesoa, Zanak'Andriamanitra, no mandalo amin'izao fotoana izao: Ilay tia ny olona rehetra, manasitrana ny marary, ary mahay manangana ny maty aza."

Feno fanantenana i Bartimeo jamba. Naheno ny antsoantsony ve i Jesoa?

Tamin'ny fony manontolo no niantsoany ilay olona tsy hitany.

Bartimeo: "Jesoa ô, tsy hanampy ahy ve ianao? Mamindrà fo amiko!"

Ary ny sasany tamin'izay nandre Azy dia tezitra ka nibedy ilay jamba.

Lehilahy iray: "Mangina ianao, mialà teto ianao fa raha tsy izany..."

Nahoana anefa no tsy azo atao ny miantso an'i Jesosy e?

Tsy nihaino ny vahoaka i Bartimeo; Fa vao maika izy niantso mafy kokoa!

Bartimeo: "Jesoa ô, ampio aho!"

Mihaino ny olon-drehetra i Jesoa. Mihaino ny vavaka ataonao ihany koa izy.

Hoy ny Baiboly hoe nijanona i Jesoa ary nandidy hoe:

Jesoa: "Ento atỳ amiko ilay jamba."

Bartimeo nitsangana teo anatrehan'ny Zanak'Andriamanitra. Tsy nahita izy, saingy nahatsapa ho tony sy tsy nanana ahiahy teo anatrehan'izany. Nihaino ny feon'i Jesoa izy.

Jesoa: "Ry Bartimeo, inona no tadiavinao amiko? Inona no tianao hataoko aminao?"

Tsy nila nieritreritra ela i Bartimeo. Ny tena nilainy dia ny vavaka nataony:

Bartimeo: "Tompo ô, te hahita indray aho."

Ary rehefa ren'i Jesosy ny faniriany, dia hoy Izy:

Jesoa: "Ahirato ny masonao! Satria mino Ahy ianao, dia hositraniko."

Tamin'izay fotoana izay dia afaka nahita tanteraka i Bartimeo. Ary ny masony nahita Ilay nandre ny vavaka nataony sy namaly ny fitarainany.

Nisaotra an'i Jesoa tamim-pifaliana izy, ary nanomboka tamin'izay dia nanaraka an'i Jesoa tamin'ny fony manontolo.

Ao amin'ny Baiboly, Andriamanitra dia milaza aminao hoe:

"Antsoy Aho amin'ny andro fahoriana; hanafaka anao Aho, ary hanome voninahitra Ahy ianao."

Mpandray anjara: Mpitantara, Bartimeo, lehilahy, Jesoa

STORIES for CHILDREN by Sister Farida

4. Mety manao zava-mahagaga ny vavaka