Macedonian, Dramas: Piece 149 – Тешко е за Инам 1

Home -- Macedonian -- Perform a PLAY -- 149 (It‘s difficult for Inam 1)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- MACEDONIAN -- Malagasy -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

КУСИ ИЗВЕДБИ – одглуми ги пред други деца!

Куси изведби за да ги изведуваат деца

149. Тешко е за Инам 1

Кошницата со облеката за перење беше тешка. Инам ја однесе до реката. Таму ги извади валканите алишта, ги потопи во вода и ги триеше на голем камен.

Тоа беше тешка работа. Знаете, во џунглата нема машини за перење.

Солзи течеа по кафеавото лице на Инам. Повторно беше жестоко тепана. Инам ги погледна оризиштата и помисли на времето кога растенијата со ориз сè уште беа многу мали.

(звук на музика во заднината за време на сеќавањето)

Инам: „Тогаш туѓинците дојдоа во Индонезија и изградија мала дрвена црква во близина. Секој можеше да присуствува. Ѕиркав низ пукнатините и слушав кога се пееја прекрасните песни. Тогаш влегов внатре и ја слушав возбудливата приказна за Исус и како Тој умрел на крстот за нас.
Решив да Го следам и да Му го предадам мојот живот. Кога им кажав на моите родители дека Му се молев на Исус, тие многу ми се налутија и ме тепаа“. (музиката полека стивнува)

Инам плачеше, не поради тепањето, туку поради родителите.

Инам: „Господе Исусе, сакам и моите родители да веруваат во Тебе, да живеат за Тебе и да одат на небото еден ден. Те молам не дозволувај да бидат изгубени“.

Инам ја дигна кошницата за алишта и ја однесе дома.

Мајката (налутено): „Зошто си толку бавна? Ајде, побрзај! Зготви го оризот!“

По појадокот Инам беше казнета да седи дома.

Но, кога сè се смири, излезе низ прозорецот и трчаше низ високата трева во џунглата до малата црква.

(музика во заднината)

Не сакаше да ја пропушти службата. Песните и библиските стихови што ги научи таму ѝ даваа нова храброст. Но дома родителите ја чекаа со стап.

На Инам ѝ беше тешко откога реши да живее за Исус.

Често беше тепана, но сè уште Му веруваше на Исус.

Кога се разболе, мајка ѝ го викна врачот. Тој измеша пијалак и промрморе нешто во себе.

Инам размислуваше што може да направи за да не мора да го пие пијалакот. Врачот ѝ ја даде чашата и во тој миг мајка ѝ викна.

Мајката: „Треба да одам во кујната, оризот гори!“

Врачот ја следеше и Инам брзо го истури пијалакот од прозорецот.

Ако некогаш дознаат!

Што се случи натаму ќе слушнеш во расказот во следната драма.

Улоги: Раскажувач, Инам, мајката.

STORIES for CHILDREN by Sister Farida

149. Тешко е за Инам 1