Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Azeri -- Perform a PLAY -- 146 (Speaking stones 1)

Previous Piece -- Next Piece

TAMAŞALAR -- bunları başqa uşaqlar üçün qoyun!
Uşaqlarla birlikdə qoya biləcəyiniz tamaşalar

146. Danışan daşlar 1


Uşaqlar, siz bir kolleksiya toplayırsınızmı? Marka, pul, yaxud başqa bir şey? Yurqenin rəfləri daşlarla dolu idi.

Berta: "Ay da! Sən bunların hamısını haradan tapdın?"

Yurqen: "Bunu Alp dağlarında tapdım. Bu, Berlin divarından bir daşdır. Bunu isə mənə Misirdən – Hökmdarlar Vadisindən dayım gətirib."

Berta: "Hamısının forması, rəngləri cürbəcürdür."

Yurqen: "Daşların çoxu həyatımdan ayrı-ayrı əhvalatlarla bağlı xatirələrdir."

İbrahimin də daşları qoyduğunu bilirdinizmi, uşaqlar? Əlbəttə ki, İbrahimin daşları çox yekə idi və o onları rəfə qoymurdu. İbrahim 4000 il bundan əvvəl yaşayıb və bəzi yerlərə daşlar qoyub.

Berta: "Nə üçün qoyub ki?"

Hər şey var olan Allahın İbrahimlə danışmasından başladı.

Allahın səsi: "Ey İbrahim! Vətənini, qohum-əqrəbanı tərk et və sənə göstərəcəyim ölkəyə get."

İbrahim Allahı görmədi, amma səsini aydın şəkildə eşitdi və nə edəcəyini bildi: o, hər şeyi qoyub getməliydi. Allah insana daha yaxşı bir şey vermək istəyəndə həmişə əvvəlki şeyləri tərk etməsini buyurur.

Allahın səsi: "Mən sənə yeni bir ölkə göstərəcəyəm və səndən böyük millət yaradacağam. Sənə xeyir-dua verəcəyəm və sənin adın ucalacaq."

İbrahim yola çıxandan sonra haraya gedəcəyini bilməsə də, arvadını götürüb vətənini tərk etdi, çünki Allaha iman və itaət etdi.

Uzun səyahətdən sonra İbrahim bu gün İsrail adlanan ölkənin yerləşdiyi əraziyə gəldi.

O, Allahın ondan böyük millət törədəcəyini və neçə-neçə illərdən sonra Xilaskarımız İsanın o millətdən gələcəyini təsəvvürünə gətirə bilərdimi?

Yad ölkədə məskən salandan sonra İbrahim ona tanış olan o səsi yenə eşitdi.

Allahın səsi: "Bu torpağı sənin nəslinə verəcəyəm."

İndi İbrahim doğru yolda olduğuna tamamilə əmin idi. O, düzgün yerdə idi.

İlk əvvəl o, bir qurbangah düzəltdi. Allahı və Allahın vədlərini yadına salan bir daş dikdi.

Bir az cənubda o, bir daş daha xatirə olaraq qoydu.

Bəs sizdə daş kolleksiyası varmı, uşaqlar? Siz də Allahla yaşadıqlarınızı xatırlamaq üçün kolleksiya toplaya bilərsiniz. Məsələn, hər dəfə Allah duanıza cavab verəndə və ya sizi bir bəladan qoruyanda rəfinizə kiçik bir daş qoya bilərsiniz. Allahın işlərinin xatirəsi olan belə daşlar sizə ilham verəcək, sizi Allaha güvənməyə və Allah üçün yaşamağa həvəsləndirəcək.

Bundan sonra İbrahimin başına gələn əhvalatları siz növbəti verilişdə öyrənəcəksiniz.


Rollar: Aparıcı, Berta, Yurqen, Allahın səsi

© Müəlliflik hüququ: CEF Germany

www.WoL-Children.net

Page last modified on September 09, 2017, at 07:27 AM | powered by PmWiki (pmwiki-2.3.3)