Home -- Platt (Low German) -- Perform a PLAY -- 062 (Finally at the goal 2)
62. Entlich aum Ziel 2
Enttäscht veleeten de Stiernforschasch ut Morjenlaunt dän Kjennichspelaust von Jerusalem.
Hia hauden see Jesus, däm niejebuarnen Kjennich jesocht. See wieren jekomen, om am auntobäden un to wiesen, daut hee de Har von äarem Läwen senen sull.
Oba see fungen am nich in Jerusalem. Daut wia dunkel aus see de Staut veloten deeden.
1. Stiernforscha: "Wuarom wia de Kjennich Herodes soo oppjeräacht?"
2. Stiernforscha: "Un wuarom haft hee daut soo jenau weeten wullt, wanea de Stiern oppjegonen wia?"
1. Stiernforscha: "Doa es dee wada! De Stiern, dee ons jewäsen haft, daut de Kjennich von de Juden jebuaren wia."
De Mana ut Babylon freiden sich sea, aus see dän Stiern wada sagen.
Stal die fäa, hee trok aum Himmel ver an un wees iend dän Wajch no Betlehem.
Krajt äwa eenem Hus bleev hee stonen. Wiels in disem Hus wieren Maria un Josef met däm Jesuskjint.
See wieren doa nenjetroken, wiels daut wia nu toenj met däm Volkj talen, un soo wieren nu uk mea Hiesa toom wonen to kjrieen.
Nu wieren de Stiernforschasch aum Ziel.
See jinjen in daut Hus nen un fungen Maria un Josef. Un met iejne Uagen sagen see daut Jesuskjint. Dän Kjennich, däm Gott jeschekjt haud.
Vewundat kjneeden see sich doll un bäden Jesus aun.
Am wullen see aunjehieren, hee sull äa Kjennich senen un en äarem Läwen rejieren.
Es Jesus uk dien Kjennich? Doaf hee die derch daut Läwen fieren?
Daut jeft nuscht scheenret fa die un mie opp dise Welt, aus Jesus toom Kjennich to haben.
De Stiernforschasch jehieden to am. Dankboa deeden see äare Jeschenkja utpaken. Golt un wietfollet Perfüm un Weiruak schonken see däm Kjennich.
Daut wietvollste, waut wie haben es ons Läwen. Wäa Jesus daut jeft, dee woat von am rikj beschonken.
Persoonen: Eena waut vetalen deit, twee Stiernforscha
Copyright: CEF Germany