STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 083 (Daniel's test 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 38. دانی ایل دا امتحان ۱عظیم بادشاہ نبوکدنضر نے یروشلیم دےشہرنوں گھیرلیا تےاوہنوں فتح کرلیا۔ یہودیاں لئی ایہہ بڑی دُکھ دی حالت سی۔ خدا نے بادشاہ یہویقیم نوں اسیر ہو کے جان دِتا۔ اوہ جھوٹھے دیوتاں دی عبادت کردا سی جیہڑےہن اوہدی مدد نئیں کر سکدے سن۔ دشمناں نے شہر دےخزانے نوں لُٹ لیا تے ہیکل وچوں وی شیواں نوں چوری کر لیا۔ بادشاہ نبوکدنضر: ”اشپناز، میَں چاہندا اَں پئی نوجوان اسرائیلی میری خدمت کرن۔ اوہ زورآور تےسمجھ دار ہون۔ جوان تےسوہنے بندے ہون۔“ قیدیاں نے ۰۰۶ میل دا پینڈا ٹُر کےطے کیتا۔ دانی ایل تےاوہدے بیلی وی اوہناں وچ شامل سن۔ آخر اوہ وڈے شہر بابل اپڑ گئے۔ بادشاہ دےمحل وچ اوہناں کیہ وکھیا؟اوہناں نے ہر اک حکم مننا سی۔ تے اوہناں کول کوئی حقوق نئیں سن۔ پر دانی ایل تے اوہدے بیلی ایس گل اُتے اٹل رہےسن پئی اوہناں خدا دے نال وفادار رہنا اے۔ کیہ تہاڈا وی ایہو مننا اے؟ کیہ تُسی وی سدا خدا دے نال وفادار رہندے ہوآپنے سکول تے گھر وچ؟ آپنے بیلیاں دے نال تےکھیڈدے میدان وچ؟ خدا دے نال وفادار ہونا چنگا اے! دانی ایل تے اوہدے بیلیاں نوں چھیتی ای آپنا پہلا امتحان دینا پے گیا۔ بادشاہ نے قیدیاں نوںسکھن لئی تین ورھے دِتے۔ اوہناں بابلی بولی سکھنی سی تے ایہدے نال ہور بڑا کجھ سکھنا سی۔ اوہناں بادشاہ دے میزتھوں کھانا کھانا سی جیہڑا اوہناں لئی مخصوص ہونا سی۔ دانی ایل: ”حننیاہ، ساڈے لئی ایہہ کھانا کھانا ممکن نئیں، ایہہ خوراک خدا دے اصولاں دے مطابق نئیں۔“ حننیاہ: ”کیہ تُسی سوچدے ہو پئی سانوں کھان لئی کجھ ہور مل سکدا اے؟“ دانی ایل: ”معاف کرنا، پر اسی بادشاہ دے میز دا کھانا نئیں کھا سکدے۔“ اشپیناز: ”بادشاہ نے تہاڈےلئی ایہہ حکم دِتا اے۔ جے میَں تہانوں ڈھل دے دواں، تے جےتُسی دوجیاں نالوں ماڑے دِسے تے بادشاہ میراسر وڈھ دیوے گا۔“ دانی ایل: ”مہربانی کر کے سانوں دس دن تیک ایسے طرح کرن دیو۔ سانوں کھان لئی سبزیاں دیو تے پین نوں پانی دیو، تے فیر سانوں دوجیاں نال ملا کے و یکھنا تے فیصلہ کرنا پئی ساڈا ایہو کھانا چلدا رہوے یا نئیں۔“ نگہبان من گیا۔ تے بائبل سانوں ایہدا نتیجہ کجھ ایس طرح بیان کردی اے: ”تے دس دِناں بعد، دانی ایل تے اوہدے بیلی دوجے ساریاں نالوں چنگے دِسدے پئے سن۔“ ایس لئی نگہبان نے اوہناں نوں سبزیاں کھانا جاری رکھن دِتا تے پانی پین دِتا۔ دانی ایل طاقتورای رہیا۔ اوہ خدا دے نال وفادار سی تے اوہنوں ایہدا انعام وی ملیا۔ تین سال بعد، بادشاہ نے قیدیاں نوں پرکھیا۔ تے فیر ایس طرح ہویا پئی دانی ایل تے اوہدے بیلی ای اوہناں ساریاں نالوں ودھیا سن! بادشاہ نبوکدنضر: ”ایہہ نوجوان میری حکومت وچ سارے اُستاداں دے مقابلے وچ دس گنا بہتے سمجھ دار نے۔ میَں چاہندا اَں پئی ایہہ میری خدمت کرن۔“ پر ایہدے کجھ ای دن بعد اوہناں دیاں زندگیاں خطرے وچ سن۔ میَں تہانوں ایہدے بارے وچ اگلی کہانی وچ دساں گی۔ لوک: بیان کرن والی، نبوکدنضر، دانی ایل، حننیاہ، اشپیناز حقوق: بحق سی ای ایف جرمنی محفوظ نے۔ |