Platt - Low German, Dramas: Piece 036 – Hia erkjant maun Leew

Home -- Platt (Low German) -- Perform a PLAY -- 036 (Identifying love)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

36. Hia erkjant maun Leew

Aun waut erkjant maun eenen Apelboom?

Kjint: "Doaraun, daut hee Apel drajcht."

Aun waut erkjant maun eenen Kjoascheboom?

Kjint: "Doaraun, daut hee Kjoasche drajcht."

Un aun waut erkjant maun eenen Nätboom?

Kjint: "Doaraun, daut hee Nät drajcht."

Aun de Frucht erkjant maun eenen Boom. Een gooda Boom haft goode Frucht, een schlajchta Boom brinjt schlajchte Frucht.

Un aun waut kaun maun de Christen erkjanen?

Daut jeft een gaunz bestemdet Tiekjen woaraun maun de Menschen erkjanen kaun, aus de Jesus aunjehieren. Twee Frind haben daut aun dee ieschte Christen beoabachten kunt.

1. Frint: "Es die daut aul oppjefolen, daut de Rut nich mea soo vesträden es? Iescht ema haft dee äwa de Nobaschfru romjeschulen un jeloamt un nu es see wellich däa to halpen un holt fa däa sogoa Wota vom Borm. Soväl Leew fa dän Näachsten sie ekj noch nich bejäajent."

2. Frint: "Un dee vegrunzta Jakob es oppeenmol soo frindlich. Dee deit äwahaupt nich mea fliekjen. Rechtich veändat es hee aul poa Wäakj."

1. Frint: "Daut woat bestemt met disem Jesus waut to doonen haben, aun däm see jleewen. Maun sit daut aun äare Leew fa däm Näachsten, daut see Christen sent."

2. Frint: "Jieden Dach doonen see bäden. Ekj wunda mie, daut dee soväl Tiet haben. Un doabie seenen see sogoa noch jlekjlich ut. Dee sent een Hoat un eene Seel, soo aus maun soo scheen sajcht."

1. Frint: "Un stal die mol fäa, de Josef haft sienen eenschen Acka vekoft un daut gaunse Jeld wajchjejäft. Hee brocht daut nom Jemeindeleida un dee haft daut aun de Oame vedeelt."

2. Frint: "Es dee verrekjt?"

1. Frint: "Maunche haben sogoa äa Hus vekoft un aules de Oame jejäft."

2. Frint: "Woo dee bloos soo toophoolen. Aunstaut jiezich to senen, doonen see endeelen."

See wieren aundasch jeworden. See wieren sich unjernaunda goot un daut kunen dee aundre seenen un wundade sich.

Daut Läwen von de Christen pausst krajt to daut, waut Gott sien Wuat sajen deit.

(Eene Melodie toom Bibelfarsch)

De Heilja Jeist brinjt in onsem Läwen bloos Goodet fäa: Leew un Freid, Fräd un Jedult, Frintlichkjeit un gootjesonen sennen, Gloowen un Jelindichkjeit un Selfstbeharschunk. Es daut bie junt uk soo? (Galata 5,22-23a Hfa)

De Gloowen aun Jesus veändat. Wan daut Hoat veändat es, dan kaun maun daut uk gaunz kloa in sienem Läwen seenen. Kaun maun daut uk aun die seenen?

Persoonen: Eena waut vetalen deit, Kjint, twee Frind

STORIES for CHILDREN by Sister Farida

36. Hia erkjant maun Leew