Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Platt (Low German) -- Perform a PLAY -- 007 (On the winner’s side)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

7. Opp de Sied vom Stoakjsten


De Filista muaken mol wada Kjrich jäajen daut Volkj Israel. David siene elre Breeda wieren uk im Kjrich. Hee sull an Äten brinjen, un froagen, woo iend daut jinj.

Aus hee biem Kjrichsplautz aunkaum, sach hee, daut opp de Fiend äare Sied een rechtkja Riese wia. Meist dree Meeta groot. Hee heet Goliath. Met schlajchte Wieeda dreiwd hee daut Volkj Israel un flucht uk noch doabie. Aule Soldoten hauden Angst, uk de Kjennich Saul. Hauden see vejäten, daut Gott stoakja es?

Goliath: "Ha, jie dome Israeliten, ha, jie haben Angst, hahaha! Ekj woa vendoag von junt Voagelfooda moaken. Jun Gott kaun junt nich halpen. Ekj sie stoakja aus hee."

David: "Hab jie daut jehieet? Dee deit Gott lastren. Lot jie junt daut jefaulen?"

David kaum daut soo schrakjlich fäa waut dis frajcha Filista deed. Daut dee sich äwa de Israeliten soo lostich moaken deed wia noch nootlich to vedroagen. Oba uk äwa däm läwendjen Gott, nä, daut wia to väl.

David jinj fuatz noch däm Kjennich Saul un säd to am, daut hee jäajem däm Riese Goliath kjamfen wull.

David meend daut iernst. Bloos sienen Hoadsstock toom Schop heeden haud hee, un siene Schleida naum hee un jinj sienem Fient entjäajen.

Gott es stoakja, daut muak am Moot.

Väle kunnen daut nich jleewen, aus see däm Schopshoad sagen, gaunz oppjeräacht kjijden see to.

Goliath kaum ema noda, ema noda.

Goliath: "Sie ekj een Hunt, daut du met eenem Stock no mie kjemst? Denkjst du, jun Gott woat die beschitzen? Hahaha, ekj sie stoakja aus hee. Ekj woa die doot moaken."

David: "Du kjemst no mie met Jewäaren, oba ekj kom no die im Nomen von däm aulmachtkjen Gott, däm du vespoten deist. Hee es stoakja aus du. Ekj woa äwa die Siech haben, un dee gaunze Welt woat seenen, daut Israel eenen läwendjen Gott haft."

David naum eenen Steen, schliesad däm... (Jelud von eene Schleida moaken)

Goliath: "Aaaaaaah!" (Soo aus wann waut fällt)

De Steen von David siene Schleida trof däm Riesen krajt aum Kopp. Doot foll hee opp de Ieed.

Waut haud Goliath nu doavon, daut hee äwa Gott jesposst haud?

Wäa wia togoodalatzt de Stoakjra? Gott es stoakja!


Persoonen: Eena waut vetalen deit, Goliath, David

Copyright: CEF Germany

www.WoL-Children.net

Page last modified on August 08, 2023, at 07:34 AM | powered by PmWiki (pmwiki-2.3.3)