Home -- Quechua -- Perform a PLAY -- 125 (Deadly arrow 2)
125. Wanuchinapaj arcoflecha 2
Uj runalla kasqa imachus kananta uyampi nejqa, 400 runakunaj contrankuta ujsitulla sayaykusqa cheqata nispa.
Micaías: "Rey Acab, Diosqa mana chay maqanakuta munanchu, sichus mana kasukuspa maqanakuman sayaykukipuni chayqa, kawsaynijkiwan pujllashanki."
Acab: "¿Icharí, uyarinkichejchu? Micaíasqa wañunallaymantapuni parlashan, kunitanopacha carcelman wisq’aykamuychej."
Manapuni chhikantapis rey Acab Diospa nisqanta uyariyta munajchu kasqa. Ramot llajtata jap’ikapuyqa, yuyayninman sumajta sat’iykukusqa. Pichus mana Diosta uyarejqa, kawsayninwan pujllashan. Acabpaj qhawaj runasninqa sumajta qhawamusqanku chay maqanakuman yaykoj enemigosninkoj wakichikusqankuta:
Espía: "Acabpa contranta maqanakuspa chanta ejércitonwampis tinkuypeqa, amapuni soldadosman baleankichejchu, manachayqa reymankama kacharinkichej."
Acabri sumajta yuyaychakullasqataj.
Acab: "Rey Josafat, noqaqa wajina p’achata churakusaj, qantaj imaynachus kashanki rey jina rillanki. Ajina khusqa risunchej maqanaku tinkuymanqa."
Rey Josafatqa compañasqapuni.
Mana entiendenecho, ¿imaraykutaj Josafat mana uyarirqachu Diospa yuyaychasqantarí? Tukuy imata ruwanampajqa Diospa nisqanman jinapuni ruwaj kasshasparí...
Maqanakoqa sicnh’i kasqa, manchayta tinkusqanku. Enemigoqa reyllata mask’ashasqanku baleanankupajqa.
¿Yachawajchu imachus kasqantaqa á? Chay enemigokuna Josafat-ta rey p’achawan kashajta rikuytawan, yuyasqanku rey Acab kasqanta, chanta qhatiykachaykusqankumin manchaytapuni. Josafat-taj qhaparisqa, cuenta qokusqaña á, pichus mana Diosta kasojqa kawayninwan pujllan.
Josafatqa wañuy patapi kasharqa. Jinapis Dios chay enemigosta saqechillasqa.
Uj soldadotaj, uj flechata maypis kachun kacharirparisqa, chaytaj rey Acabta jap’irparispa ñaqha wañurpachisqa, aswan ch’isinejtataj wañurpasqapuni. Wañukama chayasqa ni jayk’aj Diospa nisqanta uyarisqanrayku. Josafatpajtaj chay p’unchayqa yachanampaj kasqa. ¿Entiendenmanchu karqa? Pichus mana Diosta kasojqa kawsayniwan pujllan. Rey Josafatqa pantasqa ñanta pusachikusqa mana Diosllawa nitaj Diospa nisqanta uyarispalla, chaymantataj manchayta sonqonta nanachikusqa.
Amapis kawsaqesniykikunapaj Diospa nisqanman jina purinaqa allinchu kachun, ¡qanqa ama pantasqa ñanta qhatiykuychu! ¡imaynachus challwaqa may ladomanchá yaku rishan, chayladomanta ayqen ajinata qampis riy! mana imananchu wajkuna ima ninankoqa, ¡Diostapuni uyariy! ¡Diosta qhatejkunamanta yuyaychaykunatapis uyariypuni!
Pichus mana Diosta kasojqa kawsayniwan pujllan. Noqaqa Diosta kasuytapuni munani, imaraykuchus yachani chayqa allinniypajpuni kasqanta.
Personajes: Relator, Acab, Micaías, espía
© Copyright: CEF Germany