Home -- Quechua -- Perform a PLAY -- 037 (Jumping with joy at 15.00 o’clock)
37. Umachakimanta chawpi tardeta
Hombre: "Imaynata chanta chay karqarí."
Mujer: "¡Jinapuni a, qhawariy! puriyta atin."
Hombre: "Manachu pay kikisitun wajlla á."
Mujer: "Mana, paypuni. 40 tatata suchhu karqa kunantaj purishan."
Hombre: "Ari, chaychu mana milagro kanman, ni jayk’aj kayta jina rikorqanchejchu."
Mujer: "Qhawariy imayna kusisqachus kasqanta. Kusiymanta maytapis chayaj jina phinkirishan."
Cheqapuni chay runa purirerqa, phinkirispataj Diostata jatuncharqa. Runakunataj mayta t’ukuspa qhawasharqanku Pedrotaqa.
Pedro: "¿Imaraykutaj jinatapuni qhawawanchej noqanchejpi suchu runata puririchinchej imatajrí? Jesús puririchin Paypi creesqanraykulla."
Chay p’unchayqa mayqen p’unchay jinalla qallarerqapis, tardenejtataj Pedrowan Juanwan temploman rerqanku. Paykunaqa yachasqa karqanku 15 hs. Chayta Dioswan parlakuymanqa. ¿Qan ima horastataj Dioswan parlakunkirí?
Templo punkupitaj sayaykorqanku, chaypitaj uj suchu runa makinta oqharispa mañakun suyaspa qolqesitota qorinankuta:
Rengo: "Ama jina kaychejchu arí, uj platitallatapis khuyarikuspa qoriwaychej."
Pedrowan Juanwantaj chay mañakuta qhawarinku, chanta Pedroqa nin:
Pedro: "Ni qolqey nitaj qoriypis kapuwanchu. Mana qhapaj runachu kani, jinapis imacha tiyapuwan chayta qosqayki. Señor Jesucristoj sutimpi sayaríy, puriytaj."
Chayta niytawan Pedroqa, paña makinmanta jap’ispa sayariyta yanaparqa. Chayratopachataj chakimpa ankusnin maychus kajman tukuspa sinch’iyarqa. Sayaykuytawan puriyta qallarerqa, kusiymanta phinkirispa.
Chay runaqa mana creeyta atirqachu puriyta atisqantaqa, sanoña karqa suchu kayninmanta. Purerqa, phinkirispataj Diostataman pachi nerqa. Kusikunantaqa, astawan Diostatamampuni yupaycharqa, payta rejsijkuna jinata chaypi kashajkunapis kikinta yupaychallarqankutaj Diostataqa.
Jesucristoqa chay kikin milagrosta ruwayta munallantaj kawsayniykipipis, Paypupuni confíakuy tukuy sonqo.
Personajes: Relator, hombre, mujer, Pedro, rengo
© Copyright: CEF Germany