241. سزا یافتہ بندہ ۳

ڈاکٹر: ”تہاڈی حالت بڑی مندی لگدی پئی اے! اپنی وصیت بنا لو۔ تُسی بہتا چِر جیوندے نہیں رہو گے۔“

ہڈسن ٹیلر: ”واہ بھائی میَں جیواں گا! میَں بڑے چِر تیک جیوندا رہواں گا۔ خدا دے کول میرے لئی کرن نوں کم اے چین وچ۔ خیر، جے میَں مر وی جاواں تے میَں یسوع دے نال رہواں گا، تے مینوں ایہدی اُڈیک رہوے گی۔“

ہڈسن ٹیلر اک بندے دی لاش تھوں متاثر ہویا سی جیہڑا پئی بڑے ای خوف ناک بخار نال مریا سی۔ کسے نوں وی نہیں لگدا پیا سی پئی اوہ بچے گا۔ پر یسوع نے اوہدی حفاظت کیتی۔ ہڈسن نے دواواں دے بارے وچ اپنی تعلیم نوں جاری رکھیا، کیوں جو اوہدے مشنری کم لئی اوہنوں چین وچ ایہدی لوڑ سی۔ ۹۱ ستمبر، ۳۵۸۱ نوں۔ اوہ اک جہاز اُتے نکل پیا جہدا ناں سی ”ڈم فرائز“ تے اوہ بحری سفر کر کے انگلستان تھوں چین چلا گیا۔ اوہناں نے جہاز نوں محفوظ تھاں لے جانا چاہیا جدوں اوہ اک بہت ای بُرے طوفان وچ پھسیا۔ ٹھلاں تھوں لگدا سی پئی جہاز تے جہاز وچ بیٹھے سارے لوک ڈُب جان گے۔ پر زور آور یسوع نے اوہناں دی حفاظت کیتی، تے اوہناں نوں ڈُبن نہ دِتا۔ دوجی واری ایس طرح ہویا پئی ہوا بالکل بند ہو گئی۔ بادبان بالکل لمک گئے۔ اوسے ویلے ایک تیز ٹھل نے اوہناں دے جہاز نوں دھک کے پتھریلے کنڈے اُتے جا پھسایا۔ کپتان نے ہار من لئی۔

کپتان: ”ایہہ ساڈا اخیر اے۔ ہن ساڈے کول ہور کوئی راہ نہیں۔“

ہڈسن ٹیلر: ”بھائی، اک کم اے جیہڑا اسی کر سکدے اَں۔“

کپتان: ”اوہ کیہ؟“

ہڈسن ٹیلر: ”اسی دعا کر سکدے اَں تے خدا اگے مِنت کر سکدے اَں پئی ہوا گھلے۔“

ہڈسن ٹیلر نے دعا کیتی تے اوہنوں یقین سی پئی خدا اوہناں دی مدد ضرور کرے گا۔

ہڈسن ٹیلر: ”وڈے بادبان نوں سُٹ دیو!“

کپتان: ”ایہہ کیہ بے وقوفی اے؟“

ہڈسن ٹیلر: ”خدا ضرور ہوا گھلے گا۔“

کپتان: ”ایہہ بڑی ای مزاحیہ گل اے۔ میَں تد یقین کراں گا جدوں ایہہ ہوندیاں ویکھاں گا۔“

تے فیر طنز کرن والے نےایک معجزے دا تجربہ کیتا۔ اچانک بادبان تے ہوا چلی، تے جہاز کسے مُثکل دے بغیر پتھریلے کنڈے وچوں نکل گیا۔

یسوع نے آپنا بچان والا ہتھ ”ڈم فرائز“ جہاز وَل ودھایا۔ اوہ شنگھائی جا اُترے تے لنگر سُٹ دِتے۔

ہڈسن خوشی نال پکاریا جدوں اوہنے چین دی زمین اُتے قدم دھریا۔ ایتھے اوہ چین دے لوکاں نوں اوس بچان والے بارے وچ دسنا چاہندا سی۔ ایس لئی اوہنے اوہناں دی بولی سیکھی سی۔ ایہہ اک مشکل کم سی۔ اکثر اوہدی جیب بڑی تھک جاندی سی۔

ہڈسن ٹیلر: ”سررجیسواو، زاتشینگ، تشینگ کاﺅسُواو۔“

ایہہ سارا ایس طرح لگدا پیا سی جس طرح بڑے سارے چینی ایس اُڈیک وچ سن پئی کوئی آوے تے اوہناں نوں یسوع دے بارے دسے۔ پر اوہ تے اوہدے ساتھیاں نوں ہر تھاں اُتے خوشی نال نا اپنایا گیا۔

بی بی: ”تُنگشُونہ جاﺅ۔ اوتھوں دے لوک بُرے نے۔ اوہ تہانوں مار دین گے یا فیر قید وچ سُٹ دین گے۔“

ہڈسن ٹیلر: ”جے لوک بُرے نے، تے سانوں اوتھے ضرور جانا ہووے گا۔ اوہناں نوں یسوع دی لوڑ اے۔“

(ہنگامے /رولے دی واج) کجھ ہوندا پیا سی! میَں اگلی کہانی وچ ایہدے بارے تہانوں دساں گی۔

لوک: بیان کرن والی، ڈاکٹر، ہڈسن ٹیلر، کپتان، بی بی

حقوق: بحق سی ای ایف جرمنی محفوظ نے۔