Home -- Punjabi -- Perform a PLAY -- 132 (Fish and questions at breakfast)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
231. مچھی نالے ناشتے تے سوال
سارا کجھ بڑی چھیتی چھیتی ہویا۔ جے اوس دور وچ اخبار ہوندا، تے۳۳ ویں صدی د ے اخبار دا پہلا ورقہ کجھ ایس طرح دا ہوندا۔
پڑھن والا بندہ: ”جیہڑے دیہاڑے یسوع مریا ہر پاسے ہنیریا چھا گیا۔“
پڑھن والی عورت: ”مردے جیو کھلوتے نے تے شہر وچ وڑ گئے نے۔“
پڑھن والا بندہ: ”بھونچال نال چٹاناں تِڑک گئیاں۔“
پڑھن والا بندہ: ”صوبے دار نے قبول کر لیا پئی یسوع ای خدا دا پُتر اے۔“
پڑھن والا بندہ: ”یسوع دے آخری لفظ، تمام ہویا!“
پڑھن والی عورت: ”تے پہلے ورقے اُتے وڈے لفظاں وچ لکھیا ہوندا: قبر خالی اے!“
کیہ ایہہ یروشلیم ٹائمز دے اخبار وچ سی؟ نہیں، ایہہ اوہناں لوکاں دے بیان سن جنہاں نے آپنیاں اکھاں نال ایہہ سارا کجھ ویکھیا تے اوہناں دا بیان بائبل وچ اے، اوہ بیان جیہڑا تہانوں آپ پڑھنا ہووے گا۔
قبر خالی اے۔ یسوع جیوندا اے! آپنے جیو کھلون دے بعد اوہ آپنے شاگرداں دے کول گیا۔ اوہ اجے تیک دُکھی سن تے گھبرائے ہوئے سن۔ پر جدوں اوہناں نے یسوع نوں ویکھیا، اوہ بڑے ای خوش ہوگئے۔
ایہدے بعد، پطرس تے دوجے شاگرد یروشلیم وچوں نکلے تے گلیل وچ آپنے گھراں وچ ٹُر گئے۔
پطرس: ”میَں مچھی دا شکار کرن جانلگاں۔“
یوحنا: ”اسی وی تیرے نال چلدے اَں۔“
شام ویلے، اوہ کشتی وچ بہہ کے سمندر وچ ٹُر گئے۔ پر ساری رات اوہ کوئی مچھی نہ پھڑ سکے۔ پر جدوں صبح ہون لگی، تے یسوع کنڈے اُتے کھلوتا سی۔ شاگرد ایہہ نہیں جاندے سن پئی ایہہ اوہ ای اے۔
یسوع: ”کیہ تہاڈے کول کجھ کھان نوں ہے اے؟“
یوحنا: ”نہیں۔“
یسوع: ”آپنے جال کشتی دے سجے پاسے سُٹو۔“ (پانی دے چھڑکن دی واج)
پطرس: ”جال بھر گیا اے۔“
یوحنا: ”ایہہ ضرور یسوع اے، خداوند!“
اوہ کنڈے اُتے بس ۰۰۳ فٹ دور سن تے اینا شکار کیتا پئی ۳۵۱ مچھیاں پھڑ کے لیائے۔
یسوع: ”آﺅ ناشتہ کر لو!“
اگ اُتے روٹی تے مچھی پکائی گئی۔ ایہہ تیجی واری سی پئی یسوع آپنے شاگرداں اُتے ظاہر ہویا۔ پطرس دا ضمیر اوہنوں ملامت کرن لگیا۔ اوہنوں اوہ ویلا یاد آون لگیا جدوں اوہنے تیجی واری یسوع نوں پچھانن تھوں انکار کیتا سی۔ کھان تھوں بعد، یسوع نے پطرس نال اکلیاں گل کیتی۔
یسوع: ”پطرس کیہ توں میرے نال محبت رکھدا ایں؟“
پطرس: ”جی ہاں مالک، تُسی تے جاندے ہو میَں تہاڈے نال محبت رکھدا اَں۔“
یسوع: ”پطرس کیہ توں میرے نال محبت رکھدا ایں؟“
پطرس: ”جی ہاں مالک، تُسی تے جاندے ہو میَں تہاڈے نال محبت رکھدا اَں۔“
یسوع: ”پطرس کیہ توں میرے نال محبت رکھدا ایں؟“
پطرس دُکھی ہو گیا کیوں جو یسوع نے اوہنوں تین واری پوچھیا سی۔
پطرس: ”یسوع تُسی سب کجھ جاندے ہو۔ تُسی تے جاندے ہو پئی میَں تہاڈے نال محبت رکھدا اَں۔“
کیہ آج تُسی وی یسوع نوں ایہو جواب دو گے؟
یسوع نے پطرس نوں معاف کر دِتا سی۔ جنہوں جِنی بہتی معافی ملدے اے اونا ای بہتا یسوع نال محبت رکھدا اے۔
لوک: بیان کرن والی، بندہ پڑھن والا، عورت پڑھن والی، پطرس، یوحنا، یسوع
حقوق: بحق سی ای ایف جرمنی محفوظ نے۔