5. خدا تُہانُوں پیار کردا اے

سلام! اے چنگی گل اے کہ پئی تسی سُن رہے ہو! جی آیاں نوں!

آج تسی خُوش ہو یا اُداس ہو؟ تسی کلیاں محسوس کردے او یا تہانوں ڈر لگدا اے؟ تُسی چنگے او یا بیمار؟

مینوں نئیں پتہ کہ پئی تہاڈا کی حال اے، پر میرے کول تہانوں دسن لئی اک مزے دی گل اے: خُدا تہانوں پیار کردا اے! تسی جس طرح دے وی ہواوہ تہانوں پیار کردا اے! جدوں زندہ خُدا نے زمین تے اسمان نوں بنایا، اوہ اوس ویلے تہاڈے بارے وی سوچ رہیا سی۔ اوہ تہاڈے لئی بہت خوش سی جدوں تسی پیدا وی نئیں سو ہوئے۔

(ایتھے خدا دے پیار دے بارے گیت شامل کرو یا فیر کوئی منڈا یا کڑی اوہنوں پڑھے اچی آواز نال تے پیچھے ساز وی وجائے جاون)

گیت:

یسوع چھوٹے بچیاں نوں پیار کردا اے، دنیا دے سارے بچیاں نوں!

لال تے پیلے، کالے تے گورے،

اوہ سب اوہدی نظر وچ قیمتی نے!

یسوع دنیا دے بچیاں نوں پیار کردا اے!

یسوع نے سارے بچیاں دی خاطر آپنی جان قُربان کیتی، دنیا دے سارے بچیاں دی خاطر لال تے پیلے، کالے تے گورے، اوہ سب اوہدی نظر وچ قیمتی نے!

یسوع نے سارے بچیاں دی خاطر آپنی جان دتی!

یسوع دنیا وچ ہر کسی نوں پیار کردا اے- وڈے تے چھوٹیاں نوں۔ ایس لئی اوہدے کول ہر اک لئی اک عجیب تحفہ اے۔ اساں ایہدے بارے بائبل وچ پڑھیا اے:

’’کیوں جو خُدا دنیا نوں اجیہا پیار کیتا پئی اوس آپنا اکلوتا پتر بخشیا تاں جو جیہڑا اوہدے اُتے ایمان لیاوے اوہ ہلاک نا ہوئے سگوں اوہنوں سدا دی زندگی ملے‘‘ (یوحنا ۳: ۶۱)۔

خدا دا پیار بہت بھلا اے۔ اوہنے زمین اُتے آپنا پُتر گھلیا تاں جو اوہ ساڈے گُناہواں دی خاطر آپنی جان دے سکے۔یسوع نوں دفن کر دتا گیا سی، پر تین دِن بعد، خُداوند یسوع موت اُتے فتح پا کے جی اُٹھیا۔ تے ہن اوہ تہانوں بُلاوندا اے کہ پئی مُجھ خداوند یسوع اُتے ایمان لیاؤ جیہڑا تہانوں بچا سکدا اے تے خُدا اُتے وی۔

خُدا دی آواز: ’’مَیں تیرے نال سدا دی محبت رکھی ایس لئی میں آپنی شفقت تیرے اُتے ودھائی‘‘ (یرمیاہ ۱۳: ۳)۔

کی تسی یسوع دا بُلاوا قبول کرو گے؟ تہانوں خوشی مِلے گی تے تہانوں ہن توں لگ کے ڈرن دی لوڑ نئیں ۔خُدا سدا تہاڈے نال اے۔ اوہدا پیار کدی ختم نئیں ہوندا۔ کی تہاڈے دوست اے گل جاندے نے؟ اوہناں نوں وی دسو کہ پئی خُدا اوہناں نوں وی پیار کردا اے۔

لوک: بیان کرنے والی، خُدا دی آواز

حقوق: بحق سی ای ایف جرمنی محفوظ نے۔