Home -- Platt (Low German) -- Perform a PLAY -- 039 (Stoning and crowning)
39. Steenjunk un Ierenkroon
Dee fefte Klaus haud sea jeeeft un see freiden sich aul opp de Gäms. Jiedra muak daut soo goot aus hee mo kunn. Un tolatzt, aus de Baste eene Jewena Beloonung kjriejen, kjijden see bloos sea schaftich.
Sven wia aus een Weltmeista jerant. Stall die mol fäa, hee wudd soo sea jerant haben, daut hee aule aundre wiet hinja sich jeloten haud, oba dan wudd hee sich krajt tolatzt, meist biem Ziel oppeenmol bitsied hanjesat haben. Soowaut kjenn wie ons nich väastalen. Wäa aunfangt, mott goot ranen un derchhoolen.
Fa eenem, dee met Jesus läft, es daut krajt soo. Im Gloowen aunfanjen es wichtich, oba dann kjemt daut opp daut ranen un derchhoolen droppaun. Jesus halpt doabie, daut hab ekj bie Stefanus jeseenen. Doa gauf daut Menschen, dee wullen am vom Gloowen aufbrinjen. In de Bibel steit, see kaumen un fonjen aun to strieden. Oba Stefanus leet sich nich enoajren. Un dan worden see soo rechtich doll. Aulawäajend vetalden see schlajchte Liejnisse äwa am, woo hee doch aun Gott jleewen deed, un de Oame holp. Stefanus musst sogoa ver Jerecht.
Aunkloaga: "Stefanus haft Gott beleidicht, hee sajcht Dinja, dee jäajen daut Jesatz sent."
Rechta: "Es daut soo, waut dee doa jäajen die sajen?"
Aula kjijden stiew no Stefanus. Sien Jesecht deed krajt soo dachen aus eenem Enjel sien Jesecht.
Un aunstaut sich to wäaren, vetald hee iend von Jesus.
Stefanus: "Gott sien Sän kaum opp dise Ieed. Jie haben däm aum Kjriez jeschloagen.
Oba Gott haft am oppjewakjt."
Uk aus Stefanus ver däm Jerecht wia, bleef hee sienem Harn Jesus tru. Un dan kjijd hee nom Himmel un säd:
Stefanus: "Kjikjt, ekj see dän Himmel op, un dän Menschensän bie Gott to rajchte Haunt stonen."
Aus hee dit jesajcht haud, morachten see aula ut Wut opp am los. See schluagen am, tekjten am ut de Staut rut un schmeten Steena opp am. Stefanus bleef staunthauft un tru to Jesus. See schmeeten Steena, bat hee doot wia. Oba ea hee storf, deed hee bäden:
Stefanus: "Har Jesus, ekj kom no die nom Himmel. Doo dee aundre uk äare Schult vezeien."
De Wajch nom Ziel wia schwoa. Oba Stefanus hild derch. Un doafäa haft Jesus am de Ieerenkroon jejäft. Im vetruen opp Jesus derchhoolen loont sich ema, wiels Schrierichkjeiten, Hot un Spot sent nich daut latzte. Daut scheenste kjemt noch.
Persoonen: Eena waut vetalen deit, Aunkloaga, Rechta, Stefanus
Copyright: CEF Germany