Home -- Platt (Low German) -- Perform a PLAY -- 010 (A Christmas quiz)
10. Wienachtsrozel
Vendoag jeft dit daut, waut wie junt vesproaken haben. Een Wiehnachtsrotzel.
Kjint: "Hoppentlich weet ekj aules!"
Na, daut hopp ekj.
Wiehnachten es een Jeburstachsfast. De Jebursdach vom Harn Jesus.
Jida Joa fieren de Menschen opp dee gaunze Welt dit Fast. Ekj uk. Ekj frei mie, daut de Rada jebuaren es.
Aus Jesus ver 2000 Joa jebuaren wort, kaum medden en de Nacht een Enjel vom Himmel.
Fercht junt nich! Säd hee to de Schoapshoad waut doa no de Schop opppausen deeden. Ekj hab eene goode Norecht. Freit junt, wiels vendoag es fa junt de Rada jebuaren. Daut es Jesus Christus, de Har, in de Staut von Davied. Jie woaren daut Kjint finjen. Daut es in Winjlen jewekjelt un licht in eene Foodakjrebb.
Oppeenmol wia doa eene groote Grup von Enjel dee lowden Gott, wiels de Rada jebuaren wia. Gott es de Menschen sea goot. Hee leeft uk die!
Un nu kjemt daut Wiehnachtsrotzel, best du reed?
To jieda Froag jäw ekj die twee Auntwaden.
Oba bloos eene doavon es rechtich. Un dee saust du oppschriewen. Kaunet losgonen?
1. Woo es de Har Jesus jebuaren?
In Betlehem ooda in Kairo? Betlehem ooda Kairo?
2. Woo heet däm Harn Jesus siene Mutta?
Sara ooda Maria? Sara ooda Maria?
3. Waut fa eene Oabeit haud Jesus?
Elektrika ooda Holtoabeida? Elektrika ooda Holtoabeida?
4. Wäm deeden de Enjel daut sajen, daut de Rada jebuaren wia?
De Schopshoads ooda Herodes? De Schopshoads ooda Herodes?
De Auntwuaden kaust du no ons schekjen.
Vejat diene jenaue Adrass un dien Ela nich, dan kjrichst du uk eene Auntwuat.
Kjint: "Scheen, met dit well ekj metmoaken."
Mien Rot fa die: Wann du eene Bibel hast, kaunst du in Lukas 2 de Jebursdachsjeschicht von Jesus läsen un dann finjst du dee rajchte Auntwuaden.
Persoonen: Eena de vetalen deit, Kjint
Copyright: CEF Germany