Home -- Fulfulde -- Perform a PLAY -- 009 (He came and He’ll come)
9. O arii o artoyay kadi
Saa’i ɓurɗo labeede on e nder hitaande nden fuɗɗike.
Bitikaaji ɗin e ɗate ɗen no labinaa sabu Juldeere fii Jibineede annabi Iisaa nden.
Ka nder cuuɗi, saamburji ɗin no labiniraa leɗɗe sapin e kooɗe moýýiniraaɗe koode kaŋŋe.
Pitilol aranol ngol no huɓɓi ka hoore meetelol ka maande habbagol juldeere fii jibineede annabi Iisaa nden.
Miɗo hawji soono kala e on saa’i, wano an kadi hawjirtaa non, miɗo hoolii.
(Fijingol beytol fii jibineede annabi Iisaa nden – hara ko galli tun huutoraa)
Jiwo : "Pitilol no hu ɓɓi. Miɗo weltii fii ko tawi kon on saa’i labaaɗo e nder hitaande nden hewti kon. Ɗun no hollin-mi wondema : "Alla no yiɗu maa e himo yiɗin-mi min kadi; ɓiɗɗo makko on jibiniraa-ma wa boobo."
Lampuuji ɗin huɓɓinaama, hiɗi ɓanginde fii kibaaru moƴƴo on.
Pitilol aranol ngol no andintinde en wondema :
Annabi Iisaa arii ka aduna iwude ka kammu. O wontii neɗɗo wano mo kala e men non fii no o wonira sadaka ka hoore leggal altindiraangal fii junuubaaji men ɗin. O wattinano, o immintinaa ɓawto ko balɗe tati feƴƴi. Himo wuuri jooni!
Pitilol ɗimmol ngol no holli en wondema :
Ko annabi Iisaa woni ndaygu aduna on wonandema mo kala e men. Yiɗi makko on ko hebbinirgol ɓernde maa nden ndaygu e weltaare.
Pitilol tammol ngol no fodi wondema :
O arii! Iisaa, Joomi on, no arude fahin kadi. Kono hinaa wano o arirnoo no gila ko duuɓi 2000 feƴƴunooɗi. O ardataa han kadi wa boobo wallinaaɗo e nder dingira. O arday e ga’al ɗoo wa Joomiraaɗo e Lanɗo.
Pitilol nayaɓol ngol no ɓanginde wondema :
Ko yo a habbo mo, hebiloɗaa. Ko muran-maa moƴƴande ko yo a newnu hannde o naata ka nder ngurndan maa. Ko jebilande ɓurde nden e moƴƴude non telenma artugol makko ngol.
Annabi Iisaa arii, o artoyay. Ko ɗen nele labaaɗe mo ƴƴuɗe immorde Habbagol juldeere fii jibineede annabi Iisaa nden jalbata ɓuri pitilol woo pitilol.
Yo Alla okku on juldeere labaade fii Habbagol jibineede annabi Iisaa nden.
Awa kadi, e hino : ka yewtere aroyoore, lande fewtuɗe Juldeere fii jibineede annabi Iisaa nde waɗoyte. Hara a tawoyte?
Yewtooåe : Fillitotooɗo, jiwo
© Copyright : CEF Allemagne