Home -- Punjabi -- Perform a PLAY -- 009 (He came and He'll come)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
9. او آیا سی تے او آئے گا
سال دا ساریاں نالوں سوہنا ویلا شروع ہو گیا اے۔
دکاناں تے گلیاں نوں وڈے دن لئی سجا دِتا گیا اے۔
تے گھراں دے کمریاں نوں سرو دے درختاں دیاں ٹہنیاں تے چمکیلےستاریاں نال سجایا گیا اے۔
آمد دے شروع وچ پہلی موم بتی بالی گئی اے۔
(وڈے دن دا گیت وجاو –صرف ساز)
مقدس: ’’موم بتی بل رہی اے۔ میں خوش اَں پئی سال دا ایہہ چنگا ویلا ا ٓ گیا اے۔ ایہہ مینوں آکھدا اے: ’’خدا اتہانوں تے مینوں پیار کردا اے؛ اوہدا پُتر اک بچے دے روپ وچ پیدا ہویا سی۔‘‘
بتیاں بالیاں گیاں نے تے خوشخبری دیندیاں نے۔
پہلی موم بتی سانوں ایہہ یاد کراوندی اے:
یسوع اسمان توں زمین اُتے آیا۔ اوہ اِنسان بنیا۔ بالکل ایویں جس طرحاں اسی اَں، تے اوہنے ساڈے گناہواں لئی صلیب اُتے جان دِتی سی۔ اوہنوں دفن کیتا گیا تے اوہ تین دِن بعد فیر توں جی اُٹھیا۔ اوہ ہن جیوندا اے!
دُجی موم بتی سانوں ایہہ دسدی اے:
یسوع ای دُنیا دا نور اے۔ ہر انسان لئی۔ تے اوہ ساڈے دل نوں چانن تے خوشی نال بھردا اے۔
تیجی موم بتی ساڈے نال ایہہ وعدہ کردی اے:
اوہ آرہیا اے! یسوع، ساڈا مالک، فیر آرہیا اے۔ پر پہلاں وانگ نئیں جس طرحاں اوہ ۰۰۰۲ سال پہلاں آیا سی۔ اوہ فیر توں اک بچے وانگ نئیں آوے گا جہیڑا چرنی وچ پیا ہویا سی۔ اوہ ہن مالک تے باشاہ بن کے آوے گا۔
چوتھی موم بتی سانوں ایہہ اعلان سناوندی اے:
اوہنوں اُڈیکو تے تیار رہوو۔ سب توں چنگی گل تہاڈے لئی اَج ایہہ وے پئی تسی اوہنوں آپنی زندگی وچ آون دو۔ ایہہ اوہدی آمد لئی سب نالوں چنگی تیاری ہووے گی۔
یسوع آیا سی تے اوہ فیر آوے گا۔ ایہہ آمد دی خوشخبری اے جدی موم بتی توں وی بہتی لو اے۔
میں تہانوں خوشیاں نال بھرے آمد دے ویلے دی مبارکباد دیندی اَں۔
ایک ہور گل: اگلی وار تہاڈے نال وڈے دن بارے وچ سوال پُچھن دا مقابلہ ہووے گا۔ کیہ تسی ایہدے وچ حصہ لو گے؟
لوک: بیان کرن والی، کُڑی
حقوق: بحق سی ای ایف جرمنی محفوظ نے۔