Home -- Aymara -- Perform a PLAY -- 074 (Beating the innocent 2)
74. Jawk’jjaña jan juchanitaqui 2
Machak maestrojj wali mayjänwa. Jimpachaw, jach’a jach tucurejj, amutuquïnwa cuntï lurcän uca nayrakatanan. Maestrojj oración luränwa ucjjarusti… Päyiri lanct’aw jutatayna.
Maestro: “Sumäñ munsnajja, machak reglanacaw escuelasataqui munasi. Jumanaca kellt’añ münta.”
Jim jupasti amuquïjjänwa. Mä suma amuyt’apinïnwa.
Alumna: “Janiw examenanacan copiasiñati.”
Maestro: “Ucajj waliquïwa. Ucampis mä reglajj phokhatäñatakejj castigonïñapaw qhititï pantasqui ucataquejj.”
Jim: “Quimsa jawk’a copiasqui ucataquejja.”
Ucajj jan waliwa, ucampis uca pachajj jawk’añajj utjascänwa.
Maestrojja aca regljja uqhamarac yakhanacjja pizarrarow kellktäna. Mä semänanacajj take cunas waliquïscänwa. Ucampisa mä maestron urupanjja wali llaquitaw cursor mantäna.
Maestro: “Libronac jistt’apipjjam, mä jan wali yatiyaw utji. Mayniw reglanac p’acjatayna ucatsti Jim jupan mankap lunthatatayna. ¿Uc lurirejj pantasitap arsuniti?”
Takenejj amuct’apjjataynawa. Jisc’a Tom nayrakatanc ucajj qhact’ataynawa:
Tom: “Naya, nayaw lürta, anch… anch… anchapiniw mankata utjitu, ucat aptta. Janiw walïquiti…”
Tom jupan tatanacapajj wali pobrenacänwa ucat mä cutinacajj ajniw mankanïpcänti. Janiw qhitis Tom jupajj jawkatäñapa muncänti. Ucampis maestrojj thurt’asiñapänwa.
Maestro: “Jumanacaw reglanac uscupjjtajj, castigañasaw pantirinacarojj, jan ucasti, janiw qhitis phokhcaniti. Tom, acar jutam. 10 asut’i, ucaw lunthatatac castigöjj.”
Maestrojj law ayjjarünwa…
Jim: “¡Ucjaqui! T’ant’ajj nayancänwa, nayasti perdontwa.”
Mestro: “Jim, wali sumaw arumajj, ucampisa castigojj churañaw.”
Jim: “Uqhamajj nayar jawkjjeta ucatsti Tom juparu perdonam.”
Maestro: “Uqhamajj waliquiw. Reglajj 10 asut’i sïwa, ucampisa janiw qhit catokañap jisquiti.”
Uqhamajj wawanacajja uñjawayapjjewa cunjams mä jan juchanejja lunthatan castigop catokawayi. Jim uqhamarac Tom jupanacataquejja mä amistad kaltänwa.
Wali amuyt’ampiw take wawanacajja cuna pachatï maestrojj Jesusat parläna ucjajja, qhititï jaya maranacajja take jakenacataquejja castigo mutuwayatayna:
Maestro: “Viernes santo urujja amtayistuw Jesusajj jan juchanïnwa uqhamarac jiwasanac laycu mututayna. Take jiwasanacawa cheka asqui camachinacapjja p’aquintawaytanjja. Ucatsti Jesusajj jupa pachpa amtata jiwasanac laycu castigayasiwayi. Cruzanwa jiwañ mutu tpakhesiwayi. Qhititejj jupar creyqui mutuñatjj librëjjewa uqhamarac wiñay jacañanïjjewa.
Pascuajj Diosan uñañchäwipawa, cuna laycutejj Jesusajj jacatatawayiwa ucatsi jacasquiwa.”
Uñstirinaca: Parliri, maestro, Jim, Tom, alumna
© Copyright: CEF Germany