Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Quechua -- Perform a PLAY -- 164 (The lost sheep 2)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

164. Chinkasqa oveja 2


Rutqan manchharisqa phiñasqataj t’iju llojsisqa. Tiyan Margaritaj nisqasninqa qhatiykushanmampis jina kasqa: "internadoman churaykusqayki" niyqa.

Ñapis inti yaykuytañaqa, wasinmanta karupi kashasqa, chaypitaj t’ukuyta qallarisqa maypichus chay tuta puñunampi. Chaychus iglesiapi, chayri panteón wasapichus; panteón punkunta pasasqa, chaypi sayaykuspataj uj juch’uy yuraj cruzta qhawasqa.

Rut: "Johanna Collins, 9 watayoj, ripun Jesúswan khuska kamunampaj. ¿Noqapis wañuyman chay Jesúswanchu kamuyman?"

Chaypi yuyaspallapuni uj iglesia punkumanña chayasqa, chayman yaykusqa (rechinar de puerta). Chay jina sayk’usqa kaspa uj banco pataman winkuykuspa puñorpasqapacha.

Q’ayantin tutamanta pastor yaykuspataj chaypi tarisqa Rutqa.

Pastor: "Buenos días, ¿maymantataj jamorqankiri?"

Rutqa mana nimanta manchikuspa nitaj imata pakaspa tukuyta imamantachus ayqesqanta pastorman willasqa. Chanta pastorpa wasimpitaj may chhika mana mikhusqa jina chinkaykuchisqa uj sumaj desayunotaqa, chay pastor Robinger tiyanman wajyanankamataj. Rutqa tukuy imachus chay ukhupi kajta qhawaspa uj sumaj cuadrota rikuykusqa.

Pastor: "¿Gustasunkichu? Jesús chayqa, sumaj michej, makintataj tukuy chinkasqa ovejitasman jaywan salvayta munaspa. Kay cuadro ujchhikanta yuyarichiwan qampa imayna kawsasqaykita."

Rut: "¿Noqatapis mask’allawantajchu? ¿Chanta cieloman chayasajchu Johanna Collins jinaqa?"

Pastor: "Ari, ninayki tiyan paymanta kayta munasqaykita. Cuadrota wasiykimampis apakuwaj, kutipuy wasiman, tíyayki manchay llakisqa kashan."

Ñanta rin jinataj, Rutqa bolsillonmanta chay cuadrota orqhospa orakusqa.

Rut: "Señor Jesús, noqa mana uyarikoj ovejita kani. Perdónaway arí tukuy mana allinkunata ruwasqaymanta. Qampata kay munani. Janaj pachamanta uj p’nchay yachanaypaj, amen."

Chay jina mañakuykunataqa, Jesús uyarimpuni. Rutqa agradecekuspa manchay kusisqaña phikirispa phinkirispa rerisqa.

Rut: "Margarita tiyay, ujtawan mana chinkasajñachu. Amapuni internadoman churawaychu, kunanmantapacha kasusqaykipuni."

Tía Margarita: "Rutsita noqa munakuyki. ¿Tukuy imatapis qonqanachej?"

Rutqa manchayta kallpakusqa uyarikoj kanampajqa. Sonqopi uyarisqa sumaj michejpa nisqasninta, chanta imatachus Bibliamanta yachachisqankumata ima. Manaña uyarisqachu mana uyarikoj kay sonqompa nisqantaqa, imatamantapis phiñakojlla kasqanpis chinkarisqa. Cheqamanta Rutqa cambiasqapuni, uj tiemtito tukuy imapis manchay k’acha kasqa, chaymantarí…

Ama qonqankichu, qhepan ujchakuyninchejpi astawan kaymanta yachasunchej.


Personajes: Relator, Rut, pastor, tía Margarita

© Copyright: CEF Germany

www.WoL-Children.net

Page last modified on August 08, 2023, at 05:16 PM | powered by PmWiki (pmwiki-2.3.3)