STORIES for CHILDREN by Sister Farida(www.wol-children.net) |
|
|
Home عربي |
Home -- Albanian -- Perform a PLAY -- 164 (The lost sheep 2) This page in: -- ALBANIAN -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek
DRAMAT – luajini për fëmijët e tjerë!
Drama për tu luajtur nga fëmijët
164. Delja e humbur 2Ruth iku, e zemëruar. Fjalët e hallës Margret e ndoqën atë: "Do të të dërgoj në një shkollë me konvikt." Kur perëndoi dielli, ajo ishte larg shtëpisë dhe pyeste veten se ku mund të flinte atë natë. Ndoshta në kishën pas varrezave? Ndaj kaloi pranë gurëve të varreve dhe ndaloi kur pa një kryq të vogël e të bardhë. Ruth: "'Johanna Collins, 9 vjeç. Ajo shkoi të ishte me Jezusin.' A do të isha edhe unë me Jezusin nëse do të vdisja sot?" E zhytur në mendime, Ruth hyri fshehurazi (tingulli i një dere që kërciti) në kishë. Pastaj u shtri në stol dhe e zuri gjumi. Të nesërmen, pastori hyri në kishë dhe pa Ruthin. Pastori: "Mirëmëngjes. Nga ke ardhur?" Ruth i besoi Pastorit dhe i tregoi se si ishte larguar nga shtëpia. Më pas hëngri një mëngjes të shijshëm në shtëpinë e pastorit, ndërsa zoti Robinger i telefonoi hallës së saj. Ruth shikoi nëpër dhomë derisa pa një foto që varej në mur. Pastori: "Të pëlqen ajo foto? Ky është Jezusi, Bariu i Mirë. Ai po i zgjat dorën deles së humbur. Ai dëshiron ta shpëtojë atë. Delja më kujton pak ty." Ruth: "A do të më gjejë edhe mua? Dhe a do të shkoj në parajsë si Johanna Collins?" Pastori: "Po. Por duhet t'i thoni Atij se doni t'i përkisni Atij. Dhe do të ta jap atë foto. Kthehu në shtëpi tani. Halla është e shqetësuar për ty." Rrugës për në shtëpi, Ruth nxori foton nga xhepi. Shikonte foton dhe lutej. Ruth: "Zoti Jezus, unë jam si ky qengj i pabindur. Të lutem më fal të gjitha mëkatet e mia. Unë dua të takoj Ty dhe të jetoj me Ty në parajsë një ditë. Amen." Jezusi i përgjigjet menjëherë kësaj lutjeje. Ruth e falënderoi Atë për këtë dhe u hodh nga gëzimi. Halla Margret po e priste te dera e përparme. Ata u përqafuan me njëra-tjetrën. Ruth: "Halla Margret, më vjen keq për gjithçka. Të lutem, mos më dërgo në asnjë shkollë me konvikt. Që tani e tutje do të sillem shumë mirë." Hallë Margret: "Të kam shumë xhan. Le t’ja fillojmë nga e para." Ruth vërtetë punoi në qëndrimin e saj. Ajo dëgjonte zërin e Bariut të Mirë kur Ai i fliste zemrës së saj përmes Biblës. Por ajo nuk e dëgjoi më zërin e egos së saj krenare që ndizej gjithmonë. Ruth kishte ndryshuar shumë me të vërtetë. Për disa kohë, gjithçka shkoi mirë, por një ditë... Mos harroni të dëgjoni dramën tjetër ku do t'ju tregoj se si vazhdon kjo histori emocionuese. Folësit: Autori, Ruth, pastori, Hallë Margret © E drejta e autorit: CEF Gjermani |