STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 064 (On the run) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 46. دوڑجاناایہہ بڑی سوہنی گل اے پئی تُسی ایس ویلے سُندے پئے ہو! کیہ تُساں کدی چنگا وڈا دن منایا اے؟ پوری دُنیا وچ بہت سارے لوک وڈے دن دی خوشی مناوندے نے تے خوش ہوندے نے پئی یسوع، ابدی بادشاہ پیدا ہویا سی۔ پر ۰۰۰۲ ورھیاں پہلاں اک بندہ فیر وی خوش نئیں سی۔ ہیرودیس بادشاہ۔ اوہنوں آپنا تخت کھنجن دا ڈر سی۔ تے ایس لئی اوہ بچے یسوع نوں جنی چھیتی ہو سکے مار دینا چاہندا سی جدوں اوہنے مجوسیاں کولوں سُنیا پئی یسوع کِتھے وے۔ پر مجوسی یروشلیم نوں مُڑ ناں آئے۔ کیوں جو خدا نے سُفنے وچ اوہناں نوں کجھ ہور کرن نوں آکھ دِتا سی۔ خدا نے آکھیا: ”ہیرودیس بادشاہ ول مُڑ ناں جانا۔ جدوں تُسی آپنے مُلک مُڑ کے جاو تے کوئی دوجا راہ لے لویو۔“ تے اوہناں نے اوسے طرح کیتا۔ جیہڑا وی یسوع نوں آپ جاندا اے اوہ خوشی نال اوہدی گل مندا اے۔ اوہ دوجے راہ تھوں آپنے گھر نوں گئے۔ خطرہ اجے وی اوتھے دا اوتھے سی۔ ایس لئی خدا نے یوسف نوں سُفنے وچ دسیا پئی اوہنوں کیہ کرنا چاہیدا اے۔ خدا نے آکھیا: ”اُٹھ! بچے نوں تے آپنی بیوی نو ں لے تے مصر نوں دوڑ جا۔ تے اوتھے ای رہیو جدوں تک میَں تینوں مُڑ آون نوں ناں آکھاں۔ ہیرودیس اوہ سارا کجھ کرے گا جہدے نال پئی اوہ ایس بچے نوں مار سکے۔“ یوسف خدا نال پیار کردا سی تے اوہنے چھیتی نال خدا دا حکم منیا۔ کیہ تُسی وی اوہدی گل مندے ہو جدوں اوہ تہانوں کجھ کرن نوں آکھدا اے؟ ادھی رات ویلے یوسف اُٹھیا تے مریم تے نِکے بچے یسوع نوں لے کے مصر نوں دوڑ گیا۔ تے اوسے ویلے کیوں جو ہیرودیس نے پہلاں ای اے حساب لا لیا پئی مجوسی اوہدے کول مُڑ نئیں آئے۔ تے غُصّے وچ آ کے اوہنے اک بہت بُرا حکم جاری کیتا۔ ہیرودیس: ”اوہناں ساریاں بچیاں نوں جانوں مار دیو جیہڑے دو ورھیاں تھوں گھٹ عمر دے نے۔ بیت لحم تے اوہدے آسے پاسے سارے علاقیاں وچ ایسے ویلے ایس حکم نوں پورا ہونا چاہیدا اے۔“ کیہ ہیرودیس پاگل ہوگیا سی؟ ایس حکم نال اوہنے ہر پاسے دُکھ ای دُکھ پھلا دِتا۔ پر فیر وی اوہنوں بچہ یسوع ناں لبھیا۔ اوہ یسوع نوں کوئی نقصان ناں دے سکیا۔ جدوں یسوع تین سال دا ہوون والا سی، تے اوہدے نال نفرت کرن والا بادشاہ مر گیا۔ اک فرشتے نے ایہہ گل یوسف نوں سُفنے وچ دسی۔ خدا نے آکھیا: ”اُٹھ بچے تے اوہدی ماں نوں لے کے اسرائیل چلا جا۔ بچے نوں جِنے لوک مارنا چاہندے سن اوہ سارے مر گئے نے۔“ خدا نوں ایہہ گل یوسف نوں دوجی واری ناں دسنی پئی۔ یوسف نے خدا دی گل اُتے یقین کیتا تے اوہنوں منیا۔ اوہ بچے تے مریم نوں لے کے مُڑ آپنے گھر ٹُر گیا۔ تے اوتھے اسرائیل دے نِکے جیہے قصبے ناصرت وچ یسوع نوں پالیا گیا تے اوہ وڈا ہوگیا، بالکل اوسے طرح جس طرح خدا نے پہلاں توں آکھیا ہویا سی۔ لوک: بیان کرن والی، خدا دی واج، ہیرودیس حقوق: بحق سی ای ایف جرمنی محفوظ نے۔ |