Platt - Low German, Dramas: Piece 092 – Een Tiega de Menschen fräten deit 4

Home -- Platt (Low German) -- Perform a PLAY -- 092 (A man-eating tiger 4)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

92. Een Tiega de Menschen fräten deit 4

Sahib Grubb: "Ringu, waut es los? Wuarom best du soo oppjeräacht?"

Ringu: "Sahib, wie gonen opp Tigajacht. Een Tiga waut Menschen fräten deit schlijt sich rom ons Darp."

Sahib Grubb: "Un du saulst met?"

Ringu: "Jo! Oba waut es, wan dee mie holt ooda wan dee beese Jeista komen?"

Sahib Grubb: "Daut jeft eenen, dee well die beschitzen. Hee es stoakj, un kaun aules. Hee es uk väl machtkja aus dee beese Jeista. Jesus! In de Bibel steit, daut hee jekomen es, om Menschen von de Macht von de Jeista frie to moaken."

Ringu: "Es Jesus werklich stoakja aus dee?"

Sahib Grubb: "Jo, väl stoakja."

Ringu: "Ekj well uk aun am jleewen soo aus du."

Fa Ringu wia daut gaunz kloa, daut hee Jesus brugt. Hee bäd un naum am in sien Läwen opp. Hee räd met eenem Gott, däm hee nich seenen kunn, un wia sich gaunz secha, daut Jesus am hieren deed.

Sahib Grubb: "Ringu, du doafst ema met Jesus räden un am no Help froagen, uk opp de Tigajacht."

Een poa Stund lota wia daut soo wiet. De Mana naumen de Jewäare, un Ringu de Blitzlaump. Gaunz stell kroopen see opp däm oolen Boom biem Wotaloch. Een bät oppjeräacht sochten äare Uagen de Jäajend auf. Ringu deed stell bäden:

Ringu: "Har Jesus, halp ons, daut wie dän Tiga kjrieen, doamet hee kjeene Menschen mea dootmoaken kaun. Kjenn jie seenen? Doa bewäacht sich waut."

Ringu fot Pape sienen Oarm aun. Hee woagd sich meist nich mol to odmen. De Tiga schlijt sich naun, un dan prald hee opp däm doodjen Oss, däm de Mana toom jriepen doahan jelajcht hauden. De Tiga kjijd opp, un dan jinj daut schwind aus een Blitz. (Schoss)

Voda: "Woo schrakjlich, ekj hab am nich jetrofen."

Maun: "Paust opp, hee kjemt hiahan, hee well ons aunsprinjen."

Voda: "Ringu, dach am en de Uagen. Doo am blenden!"

Ringu: "Halp mie, de Blitzlaump es to schwak. Har Jesus, waut saul ekj doonen?"

Met aule Krauft schliesat Ringu daut Licht opp de Ieed. De Tiga schmit sich opp daut Licht. Een Schoss kracht.

De Tiga sprinjt noch eenmol steil in de Loft un kullat sich dan aunjewunt in däm huagen Graus.

Ringu sien Pape deit sien Jewäa noch eenmol loden, drekjt auf (Schoss), dan lach daut jefäarliche Tia doot opp de Ieed.

Aula deeden nu leicht oppodmen, un Ringu deed stell bäden:

Ringu: "Gott, ekj dank die soo sea. Du hast ons jeholpen."

Gott lat kjeenem auleen. Waut hast du met am beläft?

Schrifst du mie, woo hee dien Jebäd erhieet haft?

Persoonen: Eena waut vetalen deit, Ringu, Sahib Grubb, Voda, Maun

STORIES for CHILDREN by Sister Farida

92. Een Tiega de Menschen fräten deit 4