Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Platt (Low German) -- Perform a PLAY -- 019 (Who is the true God 4)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

19. Wäa es dee woarhauftkja Gott 4


Kjennich Ahab wia sea bosich opp Elia.

Ahab: "De Profeet es schult doaraun, daut det soo lanj nich mea jeräajent haft."

Ahab dee toobd. Haud hee vejäten, daut dise groote Driej bloos doawäajens wia, wiels hee däm läwendjen Gott vejäten haud?

Dree Joa wieren vegonen. Dree Joa one eene Drepp Räajen un dann kaum Elia no Ahab.

Elia: "Kjennich Ahab, wann du west, daut det wada räajnen saul, dann doo daut gaunze Volkj vesaumlen, un uk de Baals Profeeten opp däm Boajch Karmel. Doa well wie seenen, wäa Gott es: De Har, ooda Baal."

Ahab deed Elia jehorchen.

Aum näachsten Zemorjens jinj daut gaunze Volkj opp däm Boajch nopp. Waut wudd nu passieren? Elia roopt to de Menschen:

Elia: "Woo lanj well jie junt opp beid Sieden delenjd schlapen? Doot junt vendoag entscheiden wäm jie deenen wellen, Gott däm Harn ooda Baal."

Daut Volkj wia stell. See kjijden to, woo Elia eenen Aultoa buen deed un een Opfatia doa nopp läd. De Baals Profeeten deeden krajt soo.

Elia: "Ho, kjeen Fia moaken! Jiedra bät nu to sienem Gott. Un de Gott, de Fia vom Himmel faulen lat, dee es Gott."

Dee waut to Baal siene Aunhänja jehieeden, fonjen dann uk fuatz aun to roopen. Stundenlang roopten see. Oba vom Himmel kaum kjeene Auntwuat. Elia fonk aun to spoten:

Elia: "Ha, jie motten luda roopen. Vleicht schlapt jun Gott ooda hee es verreist!"

Daut wort gaunz stell, aus Elia äwa sien Opfatia un äwa daut Holt Wota jeeten deed. Nautet Holt brennt doch nich, ooda?

Lud un von gaunzem Hoaten bäd Elia:

Elia: "Har, Gott, wies dien Volkj vendoag, daut du Gott in Israel best, un ekj dien Deena."

Doa! Oppeenmol fol Fia vom Himmel un deed daut Opfa oppfräten, Holt, Steena un sogoa daut Wota aula. Aules brennd wajch. Daut Volkj vefieed sich un fol opp de Ieed un see schrieen aulatoop:

Volkj: "De Har es Gott! De Har es Gott!"

Nu wieren see äwazeicht un de Baals Profeeten kjräen äare jerajchte Stroft, aula mussten stoawen.

De Har es Gott! Noch eenmol deed Elia bäden no am un dann trocken schwoate Wolkjen nopp. Dee ieschte Dreppen folen. De läwendja, eenzja Gott leet daut wada räajnen.


Persoonen: Eena waut vetalen deit, Ahab, Elia, Volkj

Copyright: CEF Germany

www.WoL-Children.net

Page last modified on August 08, 2023, at 07:37 AM | powered by PmWiki (pmwiki-2.3.3)