Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Quechua -- Perform a PLAY -- 158 (Reward for M. 3)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

158. Mardoqueopaj t´inka 3


Reyna Esterqa may valiente kasqa, mana invitasqalla Persiamanta reypa ñawpaqenman yaykusqa. Chaywanqa mana wañuyta manchikusqanta rikucherqa, chayta ruwasqa judíokunata salvayta munaspa. Rey Asueroqa kamachina tiyanampi tiyasqa kashasqa. Yaykuyta rikuytawantaj, may k’achamanta kamachinan varata reynanejman aysarispa rejsichisqa mana wañuchinantaqa. May ka’cha jap’eqasqa kasqa reynaqa.

Rey: "Reina Ester, ¿imaraykutaj jamunkirí? ¿Imatataj munankirí?"

Ester: "Reyniy, ama jina kaspa mikhuna wakichisqayman mikhuj jamunaykita munanni Amánan khuska."

Rey: "Kamachi, usqayta mask’amuy Amánta, reina invitawayku."

Esterqa wasimpi uj sumaj mikhuna waykisqawan suyasqa.

Rey: "Reina Ester, ¿imatataj qonayta munankirí? Kamachinaymanta khuskannintapis munajtiyki qoykiman."

Ester: "Ama jina kaspa q’aya jamullayta mikhuj Amánwan khuska arí. Chaypi imatachus munasqayta nisqayki reyniy."

Sajra sonqoyoj Amánqa manchay kusisqa wasinman kutiripusqa, tukuyman alabarikuspa:

Amán: "Jatumpaj qhawasqa ministro kani, reyna Esterwan khuska, reywan imataj mikhunaypaj tiyaykurikorqani, nipipis noqa jina jatumpaj qhawasqa kanmanchu, q’ayapajpis invitasqallataj kashani. Jinapis uj imalla molestashawan: chay judío Mardoqueo ni jayk’aj k’umuykuspa napaykuwasqan."

Esposa: "¿Imata chanta chayta aguantankirí? ¡sipirpay á chay judiotaqa!"

Esterqa mana rikusqachu imaynatachus Amán uywakoj tatanta sipispa wañuchinampaj uj sipinata wakichishasqantaqa. Chayqa 25 m altoman kasqa. Mana reyna rikusharqa chaypi, Diosqa qhawasharqa tukuyta, ¡Payqa tukuyta kamachejmin! Chayrayku rey Asueroqa uj tuta manapuni puñuyta atisqachu.

Rey: "Kamachi, mana puñuyta atinichu. Tukuy ruwasqanmanta qhelqasqa kashan chay librota apamuway. Kunan leepuway imakunachus kay qhepa p’unchaykunapi kasqanmanta."

Chay libropitaj qhelqasqa kashasqa tukuy imaynatachus Mardoqueo rikuspa tarisqan reyta wañuchinankupaj reywan llank’ajkunallataj wakichisqanku, Mardoqueoj willasqannejta mana wañuchisqachu kasqa reyqa.

Rey: "¿Ima t’inkachiytataj jap’erqa Mardoqueo chaymantarí?"

Siervo: "Nimatapis reyniy."

Tuta tutamanta Amánqa kamachina palacioman chayaykurisqa, reymanta permisota mañaj rerisqa Mardoqueota sipispa wañuchinampaj.

Rey: "¿Aman, imaytataj rey t’inkachispa jatunchanman, pimanchus may agradecesqa kasqan runatarí?"

Amanqa yuyasqa reyqa payta t’inkachispa jatunchanantapuni.

Amán: "Reypa p’achanwan p’achallichispa pilluchanayki rey. Chanta chay runaqata caballo montaykuchispa, mayqen reywan llank’ajpis llajta chawpinta, caballoj ñawpaqenta kay jinata qhawaparispa muyuchimunan: Ajinata reyqa jatunchan pitachus jatunchayta munasqantaqa" nispa.

Rey: "Sumajpacha Amán, ¡kunanpacha chayta ruway Mardoqueo qampuni!"

Amánqa q’elluyarpasqa chayta uyarispaqa...

Chaymanta imachus kasqanta qhepallampiña willasqayki.


Personajes: Relator, rey, Ester, Amán, esposa, siervo

© Copyright: CEF Germany

www.WoL-Children.net

Page last modified on August 08, 2023, at 05:15 PM | powered by PmWiki (pmwiki-2.3.3)