STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 097 (Whoever won't listen 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 79. جہڑا وی نہیں سُنیگا ۱( کھڑکاون دی واج) پہلا بندہ: ”اوہ فیر شروع ہو گیا اے۔“ عورت: ”اوہ مینوں بڑا دُکھی کر دیندا اے۔“ دوجا بندہ: ”اوہ سدا بڑا تقدیر دسن والا بندا رہندا اے۔ مینہ آوے گا۔ خدا نے شرطیہ اوہنوں آکھیا اے۔“ خدا نے واقعی اوہنوں ایہہ دسیا سی۔ خدا نے آکھیا: ”میَں فیصلہ کر لیا اے۔ میَں دھرتی اُتے وسن والے ہر بندے نوں ہلاک کردیواں گا۔ اوہناں دے خیالاں تے کماں وچ ہر دیہاڑے گناہ ودھدا جاندا اے۔“ نوح بس اکو بندہ سی جہنے خدا نوں ویکھیا۔ ایس لئی اوہنوں بڑی ہمت دی لوڑ سی۔ اوہنے آپنے آپ نوں بُری راہ اُتے ٹُر کے گناہ نہ کرن دِتا۔ اوہ مضبوط رہیا تے خدا نے اوہنوں جو وی کرن نوں آکھیا اوہنے کیتا۔ خدا اوہدے تھوں خوش سی۔ خدا نے آکھیا: ”نوح، لکڑ دی اک بیڑی بنا۔ میَں اک وڈا ہڑ گھلن والا اَں۔ ہر شے جو کجھ موجود اے اوہ ڈب جاوے گی۔ پر میَں تینوں، تیری بیوی تے تیرے پُتراں تے اوہناں دیاں بیویاں نوں بچا لواں گا۔“ نوح نے اوہو کیتا جو خدا نے اوہنوں کرن نوں آکھیا۔ اوہنے آپنے پُتراں دے نال مل کے خدا دے کہن دے مطابق بیڑی بنائی۔ تقریباً ۰۰۵ فٹ لمبی، ۲۷ فٹ چوڑی تے ۰۴ فٹ اُچی۔ کوٹھے دیاں چادراں بنا دِتیاں گئیاں تے کمریاں نوں تین منزلاں وچ ونڈ دِتا گیا۔ بیڑی دا اک بوہا سی تے کوٹھے وچ اک باری سی۔ ایہنوں اندروں تے باہروں رال دے نال بند کیتا گیا سی۔ کیہ تُسی سوچ سکدے ہو پئی اوہناں دے گوانڈھیاں نے اوہناں نوں کِنے ٹھٹھے مارے ہوون گے؟ پہلا بندہ: ”نوح دا دماغ خراب ہو گیا اے۔ پانی کِتھوں آوے گا پئی جہدے اُتے بیڑی تر سکے؟“ دوجا بندہ: ”میَں تے کدی مینہ ویکھیا وی نئیں۔ نوح، توں جیہڑی گل کردا پیا ایں اوہنوں چھڈ دے تے زندگی دا مزہ لے۔“ پر نوح نہ مُڑیا۔ اوہ، اوہی کردا گیا جیہڑا خدا اوہنوں کرن نوں آکھدا گیا۔ بڑے ورھیاں دی محنت دے بعد، بیڑی بن گئی۔ خدا نے آکھیا: ”نوح، آپنے ٹبر نوں لے کے بیڑی وچ بہہ جا۔ آپنے نال سارے جانوراں وچوں دو دو لے لے تے ساریاں دے کھان نوں وی لے۔ بس اک ہور ہفتہ، تے فیر میَں ایہدے بعد لگاتار مینہ گھلاں گا ۰۴ دن تے ۰۴ راتاں تیک۔“ نوح نے مینہ نہ ویکھیا، پر اوہ اوہی کردا رہیا جو خدا نے اوہنوں کرن نوں آکھیا۔ اوہ آپنے گھرانے دے نال بیڑی اُتے بہہ گیا۔ جانور آئے۔ ایس طرح لگدا پیا سی جیویں اوہ جاندے نے پئی خطرہ آ وندا پیا اے۔ اوہ سارے اک ای بوہے وچوں اندر وڑے۔ خدا نے نوح دے بعد آپ ای بوہا بند کر دِتا۔ اوہنے اوہناں نوں بچا لیا جنہاں نے اوہدے اُتے بھروسہ کیتا تے اوہدی گل سُنی۔ تے باقی لوک؟ اوہناں نے خدا اُتے یقین نہ کیتا۔ مینہ دا پہلا چووا ڈِگیا۔ تے فیر لوکاں نوں احساس ہویا پئی خدا نے اوہی کیتا جو اوہنے آکھیا سی پئی میَں کراں گا۔ میَں تہانوں اگلی کہانی وچ دساں گی پئی فیر کیہ ہویا۔ لوک: بیان کرن والی، دو بندے، عورت، خدا حقوق: بحق سی ای ایف جرمنی محفوظ نے۔ |