Home -- Quechua -- Perform a PLAY -- 029 (Behind closed doors)
29. Punku wisq´asqapi
Discípulo: "Juan, chay punkuta wisq’ay, mana noqa chay nisqankuta creenichu. Ñawpajta Jesusta wañuchinku, kunan noqanchejtacha wañuchillawasuntaj." (ruido de cerrar puerta)
Manchay llakisqas, manchharisqastaj Jesuspa yachachisqasninqa, wasi ukhupi wisq’asqalla kasharqanku. Manataj yachasharqankuchu Jesús kawsarimusqanta.
(Golpes en la puerta)
Discípulo de Emaús 1: "Noqayku kayku, kichamuwayku."
Discípulo de Emaús 2: "Arí, kicharimuwayku."
Discípulos: "Cleopas, imata kay tuta purinkichej, wasiykichejpi kashanaykichej ari?"
Discípulo de Emaús 1: "Mana á, noqayku Jesuswan tinkuyku, Pay kawsashan."
Discípulos: "Maypitaj qankuna rikunkichej, cheqata parlaychej má."
Discípulo de Emaús 2: "Tinkuytawankama, manachá usqayta rejsisqaykuchu."
Discípulo de Emaús 1: "Arí, ñanta parlaspa rishajtillayku, uj runa qayllakamuwarqayku, chanta parlasqaykuman chhapukamun."
Discípulo de Emaús 2: "Arí, ñawpajta tapuriwarqayku imamantachus parlashasqaykuta. Noqataj nerqani: ¿Qampunichu mana yachawaj imachus Jerusalempi kasqanta? ¿Jesucristota cruzman chakataykuspa wañuchisqankutaqa? Nispa. Paytaj sut’inchayta qallariwarqayku, Tata Dios tukuy ima kananta wakichisqanmanta."
Discípulo de Emaús 1: "Imaynatataj Diosmanta qhelqasqata rejsinman karqari. Chaymantaqa sumajtapuni parlaykuwarqayku, jinapitaj horaqa chay rato rirpaporqa. Ñapis laqhaykamorqaña, chanta wasiykuman chayajtikuñataj."
Discípulo de Emaús 2: "Arí, chayaytawan mikhunata qorirqayku. Chayllapi arí: T’antata jap’ispa, orarqa, sapa ujmantaj jaywarawarqayku. Chaypiraj arí cuenta qokuspa rejsiyku: JESÚS karqa, cuenta qokusqaykutawantaj, ladoykumanta chinkaporqa… arí, manaña chaypichu kasharqa."
Discípulo de Emaús 1: "Ajina karqa. Jesuswan tinkuyku chanta t’ijumuyku qankunaman willanaykupaj Jesús kawsasqanta."
Pichus Jesusta rejsispa Paywan k’achata kawsakojqa, nipuni ch’in kanmanchu, wajkunaman willanampuni kashan. Chay iskay parlashajtillankuraj, chay wasi ukhullapiña Jesusqa rikhurisqa. Chaypi kajkunamantaj, makisninta, chakisninta rikuchisqa cruzman clavasqanku clavoj pasasqasnin jusk’usta.
Jesús: "Sonqo tiyaykuy qankunapaj kachun, Noqa kani."
Jesuspa yachachisqasninqa chayta rikuytawan creerqanku. May allimpuni Jesusmanta uyarinaqa. Jinapis Paywampuni tinkuyqa, tukuy iskayrayaykunata chinkachin, kusikuytataj qon...
Qhepankutipi Manuelawan Sararitawan cuentasonqanku imaynatachus Jesuswan tinkusqankuta.
Personajes: Relator, discípulos, 2 discípulos de Emaús, Jesús
© Copyright: CEF Germany