001. ساڈے نال شامل ہووہ

مریم گیت دا کورس کردی پئی اے۔ ٹینا آپنیاں چھٹیاں وچ گھوڑ سواری دا کورس کرن والی اے۔ متی نے کامیابی نال جوُڈو دا کورس پورا کر لیا اے۔

تے میَں تہانوں ساریاں نالوں ودھیا کورس کرن دی صلاح دیندی اَں یعنی بائبل دا کورس۔

ایہہ بڑا ای چنگا اے تے ایہدی کوئی قیمت وی نئیں۔ تہانوں پہیلیاں ملن گیاں؛ تُسی سوالاں دے جواب دے سکدے ہو تے مسئلے سلجھا سکدے ہو۔ تے اک ہی ویلے وچ تُسی خدا دے تے آپنے بارے وچ بڑا کجھ سکھو گے!

مسّی: ”میَں حِصہ لینا چاہندی اَں۔ مینوں ایہہ بائبل دا کورس کِتھوں لبھے گا؟“

مینوں لکھ کے گھلو تے میَں تہانوں ایہہ کورس گھلاں گی۔ میَں تہاڈی خواہش دا انتظار کراں گی۔

یشوع نے پہلاں ای ایہہ کورس کیتا ہویا اے تے سارے پنج حِصیاں دے جواب دے چُکیا اے۔

یشوع: ”ایہہ بڑے مزے دا سی تے بالکل وی ایس طرح دا نئیں سی پئی بندہ اُک جاوے۔“

مسّی: ”مینوں لگدا اے جے میَں آپنا ناں کورس لئی نئیں لکھواواں گی تے میرے ہتھوں ایہہ موقعہ نکل جاوے گا۔“

میرا وی ایہو خیال اے۔ تہاڈے لئی ساریاں نالوں چنگا ایہہ ای ہووے گا پئی تُسی اج ای آپنا ناں ایس بائبل دے کورس نوں منگواون لئی بھیجو۔

توں ہن ای ایہنوں شروع کر سکدی ایں۔

ہو سکدا اے تہاڈے بیلی وی ایہدے وچ حِصہ لینا چاہن، اوہناں کولوں وی پوچھ لو۔ تے فیر تُسی ایہہ کورس کٹھیاں منگوا سکدے ہو۔

کیہ تُسی جاندے ہو اوہ کون سی جیہڑا بس بارہ سال دا سی تے بائبل دے بارے وچ بڑا کجھ جاندا سی سگوں اوہنے وڈیاں نوں وی حیران کر دِتا سی؟ اوہ اوہدے سوالاں نوں سن کے دنگ رہ گئے ہور تے ہور اوہدے جواباں توں وی۔

ایہہ واقع ۰۰۰۲ سال پہلاں یروشلیم ہیکل وچ ہویا سی۔

تے، ہن دسو کون سی اوہ؟

ہو سکدا اے پئی تُسی اوہدا ناں پچھان دے ہووہ۔ ایہہ یسوع سی، خدا دا پُتر۔

بائبل کورس دے وسیلے، تُسی اوہنوں جان سکدے ہو تے اوہدیاں گلاں نوں وی چنگی طرح نال۔

بائبل کورس وچ حِصہ لو، تے تُسی بائبل دے بارے وچ بہت کجھ جان جاوو گے۔ تے بائبل پڑھن والے ہور وی جان سکدے نے۔

مسّی: ”ضرور میَں کورس لواں گی!“

کیہ تُسی وی؟ اسی تہاڈی فرمایش دی اُڈیک کراں گے۔

جے تُسی بچیاں نوں سدا دینا چاہندے ہو پئی اوہ وی حِصہ لین تے بائبل دا کورس کرن، تے اسی تہانوں بائبل کورس دا ترجمہ مہیا کراں گے۔

لوک: بیان کرن والی، مسّی، یشوع

حقوق: بحق سی ای ایف جرمنی محفوظ نے۔