451. یسوع فاتح ۲

شیطان چالاک اور بُرا ہے۔ اُسے کمزور مت سمجھنا۔ وہ کوئی پریوں کی کہانی کا کردار نہیں ہے۔ بائبل میں یہ کہا گیا ہے کہ وہ شیر ببر کی طرح دھاڑ تا پھرتا ہے، تاکہ کسی کو برباد کرسکے۔

بچہ: ’’مَیں نے کبھی سوچا بھی نہیں تھا کہ وہ سچ میں کوئی وجود رکھتا ہے۔‘‘

وہ خُدا کا دشمن ہے جس ہر ممکن کوشش کرتا ہے کہ ہم خُدا کا بھروسہ نا کریں۔

کیا آپ کو اُس کی پہلی چال یاد ہے؟

بچہ: ’’وہ شک اور بے یقینی کا بیج بوتا ہے۔‘‘

آپ ہوشیار رہیے کہ وہ آپ کے ساتھ ایسا تو نہیں کرتا۔ اِس جال میں مت پھنسیے گا۔ خُدا وند یسوع مسیح سے درخواست کیجیے کہ وہ آپ کی حفاظت کرے۔ کیونکہ و ہ شیطان پر فتح حاصل کر چکا ہے۔

خُدا کا بیٹا اُس کا سب سے بڑا دشمن تھا۔ شیطان بالکل یہی چاہتا تھا کہ وہ یسوع کو ہماری خاطر صلیب پر جان نا دینے دے۔ وہ چاہتا ہے کہ ہمیں منع کرے کہ ہم خُداسے ہمیشہ کی زندگی حاصل نا کریں۔ اِس لیے وہ مخالف ہو گیا۔

شیطان: ’’اگر تو خُدا کا بیٹا ہے، تو اِن پتھروں سے کہہ دے کہ یہ روٹیاں بن جائیں۔ اگر تو خُدا کا بیٹا ہے تو سب سے اونچے مینار سے چھلانگ لگا دے۔ خُدا تجھے بچا لے گا۔‘‘

یسوع فتح مند ہے! اُسے کوئی ضرورت نہیں تھی کہ وہ شیطان کو یہ ثبوت دیتا کہ وہ واقعی خُدا کا بیٹا ہے۔ اِس کے بعد، دُشمن نے اپنی دوسری چال چلی: اُس نے بڑا وعدہ کیا۔

شیطان: ’’مَیں تجھے پوری دنیا کا اختیار دے دوں گا اگر تو مجھے سجدہ کرے اور میری پرستش کرے۔‘‘

یسوع: ’’اے شیطان! دور ہو، کیونکہ کلام میں لکھا ہے: تو خُداوند اپنے خُدا کی پرستش کر اور اُسی کی خدمت کر۔‘‘

یسوع ہی فتح مند ہے! وہ صرف ایک جملہ بولتا ہے اور شیطان کو بھاگنا پڑتا ہے۔

یسوع ہی فتح مند ہے! اِسی لیے شیطان اُس سے نفرت کرتا ہے۔

جب یسوع صلیب پر لٹکا ہوا تھا، تو دشمن نے اپنا آخری ہتھیار استعمال کیا۔

شیطان: ’’اگر تو واقعی خُدا کا بیٹا ہے، تو صلیب سے نیچے اُتر آ۔‘‘

اگر یسوع نےایسا کر دیا ہوتا، تو ہم ہمیشہ کےلیے کھو گئے ہوتے۔ تو پھر ہمارے گناہوں کی کوئی معافی نا ہوتی۔ تو پھر خُدا کے ساتھ ہمیشہ کی زندگی بھی نا ہوتی۔

لیکن یسوع نے خُود کو مظبوط کیا۔ وہ فتح مند ہے! صلیب پر اس نے گناہ، موت اور شیطان کو ہرا دیا۔اُس کا جی اُٹھنا ایک ثبوت ہے۔

جب آپ یسوع پر یقین کرتے ہیں، تو آپ فتح مند کی طرف ہوتے ہیں۔

ڈریے مت، کیونکہ یسوع ہی فتح مند ہے!

ہمیشہ اُس کا نام پکارنا یاد رکھیں! اُس سے دعا کریں، وہ آپ کی حفاظت کرے گا۔

لوگ: بیان کرنے والی، بچہ، شیطان، یسوع

جملہ حقوق محفوظ ہیں: سی ای ایف جرمنی