STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 111 (A promise is a promise) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 111. وعدہ تے وعدہ اےپہلا دشمن: ”ہار من جاﺅ! اساں تہانوں مار سُٹیا اے۔“ دوجا دشمن: ”تہاڈا بادشاہ تہانوں جو آکھدا اے اوہدے اُتے یقین نہ کرو۔ اوہ تہاڈے نال جھوٹ بولدا پیا اے!“ پہلا دشمن: ”ساڈا بادشاہ سنحیرب ساریاں نالوں زور آور اے!“ دوجا دشمن: ”آہا، توں ہاریا ہویا ایں تُوں فوجی نہیں ایں۔“ پہلا دشمن: ”تے جے تُسی خدا اُتے بھروسہ رکھدے ہو، تے فیر سب کجھ مُک چکیا اے۔“ اسوری دشمناں نے ۰۰۰۰۰۲ فوجیاں دے نال یروشلیم دے شہر نوں گھیر لیا۔ شہر دیاں کنداں اُتے موجود بندے چپ سن۔ حزقیاہ بادشاہ جاندا سی پئی ہن اوہدے کول کوئی موقع نہیں اے۔ پر اوہدے کول ایسا ہتھیار سی جہدے بارے وچ دشمناں نوں کجھ پتہ نہیں سی۔ ایسا ہتھیار جنہوں سدا جِت ملدی اے۔ ایہہ ہتھیار جنگی سامان وچوں نہیں، سگوں اوہدے دل وچ مل سکدا اے: خدا اُتے بھروسہ۔ ایہہ ہتھیار جہدے وی قبضے وچ ہووے اوہنوں کدی آپنے دشمن کولوں ڈرن دی لوڑ نہیں ہوندی۔ حزقیاہ دا ایلچی: ”حزقیاہ بادشاہ، سنحیرب نے ایہہ چٹھی گھلی اے۔“ حزقیاہ: ”ڈرو نہ۔ خدا ساڈے ول اے۔ اوہدے اُتے بھروسہ رکھو!“ حزقیاہ نے چٹھی لئی تے ہیکل وچ گیا تے دعا کیتی: حزقیاہ: ”خداوند، توں ساڈا خدا ایں۔ توں ای بس بادشاہ ایں۔ سانوں بچا لے تاں جو سارے ویکھن پئی توں ای زندہ خُدا ایں۔“ کجھ لوک سوچدے نے پئی جدوں لوک خدا اُتے ایمان رکھدے نے تے زندگی وچ ہر شے اسان ہو جاندی اے۔ پر بائبل بالکل وی ایہہ نہیں سکھاندی۔ خدا سانوں مشکلاں وچ پاوندا اے۔ پر اوہ بس ساڈی ازمایش ہوندی اے ایہہ ویکھن لئی پئی کیہ واقعی اسی اوہدے اُتے بھروسہ کرنے اَں یا پئی نہیں۔ حزقیاہ ایس ازمایش وچ کامیاب ہویا تے خدا نے اوہنوں آکھیا: سو خداوند خدا یہہ فرماندا اے: میَں تیری دعا سن لئی اے۔ دشمن اک تیر نال وی شہر اُتے وار نہیں کر سکن گے۔ واقعی؟ اک وی تیر نہیں؟ اگلے دن ہر کسے نوں یقین ہو گیا۔ بندہ: ”کیہ تُسی اوہ ویکھدے پئے ہو! دشمن ہار گیا اے!“ بندہ: ”ہر پاسے لاشاں پیاں نے۔ دشمن نوں کنہے مار سُٹیا؟“ سانوں بائبل وچ ایہہ پتہ چلدا اے پئی رات دے ویلے خدا نے فرشتے نوں گھلیا۔ تے فرشتے نے دشمن دے ۰۰۰۵۸۱ فوجیاں نوں مار سُٹیا۔ ایس لئی اک وی تیر نال شہر اُتے وار نہ کیتا گیا۔ خدا جو وعدہ کردا اے، اوہنوں پورا کردا اے۔ اسی پورے طور تے اوہدے اُتے بھروسہ کر سکدے اَں، جس طرح بائبل وچ زبور ۳۳ دی ایت ۴ وچ لکھیا اے: ”کیوں جو خداوند دا کلام راست اے؛ تے اوہدے سارے کم باوفا نے۔“ خدا دا کلام پڑھو تے اوہدے اُتے توکّل کرو۔ فیر تہانوں ایہہ تجربہ ہووے گا پئی حزقیاہ دا خدا اج وی ویسا ای اے جس طرح اوس ویلے سی۔ خدا جیہڑا وعدہ کردا اے، اوہنوں پورا کردا اے۔ جے تہاڈے کول بائبل نہیں تے مینوں لکھ کے گھلو تے دسو۔ تہانوں اک بائبل تحفے وچ ملے گی۔ لوک: بیان کرن والی، دو دشمن، حزقیاہ، حزقیاہ دا ایلچی، بندہ حقوق: بحق سی ای ایف جرمنی محفوظ نے۔ |