STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 073 (Shock in the classroom 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 37. جماعت وچ صدمہ ۱چھٹیاں مُک گئیاں سن۔ بڑا افسوس! پر سکول دا ایہہ سال ایڈا تنگ ہوون والا نئیں۔ اوک ٹری سکول دے بچے نِکیاں نِکیاں ٹولیاں وچ کھلوتے سن۔ اوہناں دے کپڑے کجھ پرانے ڈھنگ دے سن، پر اوہناں دِناں وچ ایسے طرح ہوندا سی۔ اوہ شیخی مارن وچ بڑے تیز سن۔ خاص کر جِم۔ اوہ جو وی آکھدا اوہ کردے سن۔ جِم: ”سُنو! جدوں نواں اُستاد آئے تے بڑا چنگا بنن دی کوشش کرے تے سمجھ لینا پئی اوہ کجھ ای دِناں دا پروہنا ہووے گا تے اوہنوں چھیتی ای جانا پوے گا۔ اساں پہلاں ای تین اُستاداں نوں بھجا دِتا اے تے ایہنوں وی بہتے دِن نئیں رہن دیواں گے۔“ سکول دی پہلی بچی: ”سانوں کوئی قابو نئیں کر سکدا، حالانکہ اسی ایڈے فرمانبردار اَں تے سیکھنا چاہندے اَں۔“ (ہر کوئی ہسدا اے) سکول دی دوجی بچی: ”اوہ آ گیا اے۔ چھیتی، جماعت وچ چلو!“ سکول دی پہلی بچی: ”ایہہ ساڈے سکول وچ کِتھے اُتر آیا اے؟“ سکول دی دوجی بچی: ”ہیڈماسٹر نے آکھیا اے پئی خدا نے ایہنوں ایتھے گھلیا اے۔“ جِم: ”تے اسی اوہدا اوہ حال کراں گے پئی اوہ ایتھوں جانا چاہوے گا۔“ (ہر کوئی ہسدا اے) (سکول دی گھنٹی دی واج) سکول دی گھنٹی وجی۔ جِم تے اوہدے بیلی ساریاں نالوں پیچھے بیٹھے۔ اوہ بڑی بے چینی نال ایس اُڈیک وچ سن پئی ہن کی ہووے گا۔ اُستاد جماعت وچ آیا۔ جدوں اوہنے جماعت وچ ایدھر اودھر ویکھیا تے اوہ خوش دِسیا۔ اُستاد: ”سلام ںُنڈیو تے کُڑیو۔ ایس سال اسی اک دوجے نال مل کے اگے ودھنا چاہندے اَں۔ جے اسی ایس سال نوں سکول دا چنگا سال بنانا چاہندے اَں تے فیر اج تھوں ای چنگا آغاز کرنا ہووے گا۔ مہربانی نال کھلو جاوو۔ اسی دُعا کرن لگے اَں۔“ دُعا؟ بچے تے چُپ ہو گئے۔ جِم تے ایڈا حیران سی پئی اوہ آپنے آپ ای کھلو گیا تے آپنے ہتھاں نوں جوڑیا۔ اُستاد: ”خداوند یسوع، ساڈی مدد کر پئی اسی کٹھے مل کے کم کرئیے تے ایس سال اگے ودھ سکئے۔ سارے بچیاں لئی تیرا شکر ہووے۔ تے میَں ایہہ دُعا کردا اَں پئی ہر کوئی تینوں جانے کیوں جو توں ہر اک نوں پیار کردا ایں۔ آمین۔“ بچیاں نوں ایہہ سمجھ ناں آیا پئی ایہدا کی مطلب اے۔ پر اوہدی دُعا ساریاں دے دِلاں وچ بہہ گئی۔ اُستاد ایہہ چاہندا سی پئی اوہ یسوع نوں جانن کیوں جو یسوع اوہناں نوں پیار کردا اے۔ اوہناں ایس تھوں پہلاں ایسی کوئی گل نئیں سی سُنی۔ اوہناں کول ایہدے بارے سوچن لئی بہتا ویلا نئیں سی۔ اوہ بڑی مشکل نال پہلے صدمے وچوں باہر نکلے، تے فیر دوجا صدمہ لگیا۔ میَں اگلی کہانی وچ تہانوں دساں گی پئی فیر اگے کیہ ہویا۔ لوک: بیان کرن والی، جِم، دو سکول دیاں بچیاں، اُستاد حقوق: بحق سی ای ایف جرمنی محفوظ نے۔ |