STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 056 (God forgets no one 4) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 65. خُدا کسےنُوں نہیں بھُلدا ۴یوسف نے اُڈیکیا۔ اک ہفتہ لنگ گیا، فیر اک ہور ہفتہ لنگ گیا۔ اک مہینہ۔ دو مہینے۔۔۔ ہور وی ویلا لنگدا گیا تے یوسف نے سوچیا: یوسف: ”میرا کوئی قصور وی نئیں تاں وی میَں قید وچ اَں۔ کیوں کوئی مینوں ایتھوں باہر نئیں کڈھدا پیا؟“ اک قیدی جیہڑا چھڈیا گیا سی اوہنے جاندے ہوئے یوسف نال وعدہ کیتا پئی اوہ فرعون نال یوسف دے بارے وچ گل کرے گا۔ پر اوہ یوسف دے بارے وچ سب کجھ بھل گیا۔ اوہدے بعد دو لمبے ورے لنگ گئے۔ پر کوئی اک ہور ایہو جیہا سی جیہڑا یوسف دے بارے وچ نئیں سی بھلیا۔ خدا۔ اوہنے یوسف نال وعدہ کیتا ہویا سی پئی اوہ اک وڈا حاکم بنے گا۔تے ہن خدا نے آپنا وعدہ پورا کرنا شروع کر دِتا۔ فرعون نے سُفنا ویکھیا۔ پر کوئی اوہنوں ایہہ نئیں سی دس سکدا پئی سُفنے دا کیہ مطلب اے۔ اوہ پریشان ہو گیا۔ فیر اوہ نوکر جیہڑا فرعون دی خدمت کردا سی اچانک اوہنوں کجھ یاد آیا۔ نوکر: ”میَں اک ایسے بندے نوں جاندا اَں جیہڑا سُفنیاں دی تعبیر دس سکدا اے۔ یوسف۔ اوہ قید وچ اے پر اوہ مجرم نئیں۔ میَں اوہدے بارے بالکل بُھل گیا ساں۔“ فرعون: ”اوہنوں چھیتی نال میرے کول لے کے آوو۔“ فرعون دے حکم نوں پورا کیتا گیا۔ یوسف مصر دے حاکم دے اگے پیش ہویا تے اوہنوں سجدہ کیتا۔ فرعون: ”میَں سُنیا اے توں سُفنیاں دی تعبیر دس سکدا ایں۔“ یوسف: ”اے زور آور فرعون، میَں ایہہ نئیں کر سکدا، پر خدا ایہہ کر سکدا اے۔“ فرعون: ”مینوں سُفنے وچ دِسیا پئی میَں نیل دے دریا دے کنڈے کھلوتا ساں۔ پانی وچوں ست موٹیاں گاواں نکلیاں جنہاں نوں ست پتلیاں تے سُکیاں گاواں کھا گئیاں۔ فیر میَں ویکھیا پئی اک ٹانڈے اُتے دانیاں نال بھریاں ہویاں ست موٹیاں تے چنگیاں چنگیا ں بالاں نکلیاں جنہاں نوں ست پتلیاں بالاں کھا گئیاں۔ ایہدا کیہ مطلب اے؟ کیہ توں دس سکدا ایں؟“ یوسف: ”خدا نے تہانوں دسیا اے پئی ست سال بہت برکت والے ہوون گے۔ مصر وچ بڑی چنگی فصل اُگے گی۔ پر اوہدے بعد ست سال کال دے ہوون گے۔ جہدے وچ کوئی شے وی نئیں اُگے گی۔ تے ایہہ ضرور ہووے گا۔ ساریاں نالوں چنگا طریقہ ایہہ وے پئی اک عقل مند بندہ لبھیا جاوے جیہڑا برکت دے سالاں وچ اناج کٹھا کر سکے تاں جو لوک کال دے ست سالاں وچ بھُکھے نہ رہن۔“ ایہہ صلاح فرعون نوں چنگی لگی۔ فرعون: ”یوسف توں ای اوہ بندہ ایں۔ خدا تیرے نال اے۔ میَں تینوں آپنا مددگار چنندا اَں۔ مصر وچ رہن والے ہر کسے نوں تیرا آکھا مننا پووے گا۔“ ایس طرح یوسف اوس مُلک دے دوجے درجے دا وڈا تے اختیار والا حاکم بن گیا! اوہدے لئی ایس گل دا یقین کرنا مشکل سی۔ خدا اوہنوں نئیں سی بھُلیا، اجے اوہنوں اکثر ایس طرح نئیں سی لگدا۔ اوہدے بھراواں نے اوہدے نال نفرت کیتی، اوہ غلام بنن لئی ویچیا گیا، تے فیر قید وچ سُٹ دِتا گیا، حالاں اوہنے کوئی گناہ نئیں سی کیتا۔ میَں حساب لایا اے پئی یوسف دس سال تک مصیبتاں ویکھدا رہیا۔ ایہدے تھوں تہانوں حوصلہ ملے گا۔ خدا کسے نوں نئیں بھُلدا۔ تہانوں وی نئیں۔ اوہدے اُتے یقین کرو تے آپنی زندگی وچ اوہدے اُتے بھروسہ کرو۔ تُسی حیران ہوو گے پئی خدا نے یوسف دے وسیلے کیہ کیہ کیتا۔ ایہدے لئی ضروری اے پئی تُسی اگلی کہانی سُنو۔ لوک: بیان کرن والی، یوسف، نوکر، فرعون حقوق: بحق سی ای ایف جرمنی محفوظ نے۔ |