Platt - Low German, Dramas: Piece 072 – Waut butajeweenlichet opp däm See

Home -- Platt (Low German) -- Perform a PLAY -- 072 (Sensation on the sea)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

72. Waut butajeweenlichet opp däm See

Interesauntet aum See Genezareth!

Petrus: "Ekj sie bejeistat von Jesus. Ekj kaun daut meist nich jleewen. Met fief Brood un twee Fesch haft hee 5000 Mana saut jemoakt un dan noch väl Frues un Kjinja."

Jinja: "Hast du jeseenen woaväl äwa bleef? Daut wia mea aus hee aum Aunfank haud."

Petrus: "Groosoatich, ut weinich moakt hee väl."

Soo aus Jesus, Gott sien Sän es kjeen aundra, hee kaun ut weinich väl moaken.

De Menschen wieren sea aunjedonen von däm Wunda un jinjen Zeowens nohus. Dan deed Jesus bie de Jinja äare Vetal mankräden.

Jesus: "Krupt in daut Boot un foat no dee aundre Kaunt Wota."

Hee selfst kroop nich nen, oba hee jinj opp eenem Boach om to bäden.

Soo deeden de Jinja one Jesus ine Nacht äwrem Wota rudre. Oppeemol kaum Storm. De Feschasch troken de Säajel en. Un dan schluach uk aul dee ieschte Wal im Boot nen. Wan Jesus doch bie iend wudd senen in dise oruiche Nacht. See hauden Angst un deeden schrieen. Oba daut kaum noch schlema.

Petrus: "Doa, kjenn jie daut seenen? Een Jespanst!"

Jinja: "Ekj hool daut nich ut."

Eene witte Jestault jinj äwa däm See. See jinj jlikjto no daut Boot. De Jinja schrieen. Oba daut wia kjeen Jespanst.

Jesus: "Jie brucken kjeene Angst to haben, ekj sie daut! Fercht junt nich!"

Aun de Stemm kunen de Jinja erkjanen daut det Jesus wia. Petrus woagd sich daut ieschte waut to sajen.

Petrus: "Har Jesus, wan du daut best, dan saj mie, daut ekj no die komen saul."

Jesus: "Kom no mie."

Nich to jleewen! Petrus stieech ut däm Boot rut, un jinj opp däm Wota no Jesus. Un soo lanj hee no Jesus kjikjen deed, schauft daut uk goot. Oba aus hee no de Walen kjijd, jinj hee unja.

Petrus: "Har, rad mie! Halp mie!"

Jesus deed fuatz siene Haunt no Petrus utstrakjen un deed am raden. Jesus, Gott sien Sän es eenmolich – hee deit raden!

Jesus: "Doo mie doch vetruen. Jef mie dien gaunzet Hoat. Dan jeit aules goot."

Petrus stieech dan met Jesus im Boot. Dan hied de Storm opp, un daut wort gaunz ruich. Aula kjneeden sich ver Jesus han, un veneijden sich ver disem wundaboaren Harn.

Petrus: "Du best Gott sien Sän."

Jesus, Gott sien Sän es eenmolich, hee kaun aules.

Hee velanjt daut nich, daut du opp däm Wota gonen saust. Oba go doa woo du best, met Jesus. In jieda Loag well hee die fieren un die halpen.

Persoonen: Eena waut vetalen deit, Petrus, Jinja, Jesus

STORIES for CHILDREN by Sister Farida

72. Waut butajeweenlichet opp däm See