STORIES for CHILDREN by Sister Farida(www.wol-children.net) |
|
|
Home عربي |
Home -- Aymara -- Perform a PLAY -- 024 (Very good) This page in: -- Albanian -- Arabic? -- Armenian -- AYMARA -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
JISCKÁ UÑANCHAWINACA – ¡yakha wawanacataqui uñanchtáyam!
Jiscká uñanchawinaca uñanchawinaca wawanacataqui
24. Wali suma5º. Cursojja wali llaquitänwa. Matematic Maestrusti examinanaca cuttayascänwa. Mä kawkaninacajja jayirt’asipjjänwa. Janiw ancha jan walïcataynati. Biblia tokwa uñt’awayta cuntï walja escuela wawanacajja calificacionapata wal munapcäna ucja: “wali suma” (muy bueno). ¿Yattati cawqhanquisa? Cawqhantï Diosajj take cunanacwa lurawayi jisqui uca chekanquiwa. Jupan luräwipasti aca calificacionaniwa: “wali suma” (muy bueno). Walpini wastat muapharta cunja jach’asa Diosan luratanacapajja. Wanq’ituma, phisiquitu, anitu, jisc’a quisirmita, jach’a elefante, c’usillu mononaca, take challwanaca, jamachinaca uqhamaraqui. Lakonaca nayrastï kokanacwa Diosajj luratayna uqhamaraqui take ch’ojjñanaca mank’apjjañapataqui. Uqhamaraqui take pankaranaca. Jisc’a margaritanaca uqhamarac jach’a girasolanaca, suma rosasanaca uqhamarac k’apquir violetanaca. Sapa mayniruwa jathap mirañapataqui Diosajj churatayna. Chekpachasa Luririjja take cunanacatpinwa amuyt’atayna. Ucampisa nayrakatjja khanwa luratayna, jan khanampijja jacañajja janiw utjcaspati. Take cunwa Diosajj lurawayi. ¿Yattati cunjama? Arsutapampi. Sänwa: “Khanäpan” – ucatsti khanaw lurasi. Take cuntejj uñjcta ucanaca, Uqhamwa Diosajj lurawayi. Kalltanjja janiw cunas utjcänti. Janiw cuntat lurañasa cunatï jilañapataquicaspasa inas utjañapataquisa utjcänti. Janiw cuna alikatasa, ni cuna kalltat phallañasa, Takech’aman Diosaquiwa take aca pacha jan cunata lurawayijja. Ucjjarusti wali sumaw jutäna: Diosajj sänwa: “Jakeru urañani.” Ucjarusti chachar warmiruwa lurawayi wali jach’a amtataparjama. Sojjturu lurawi urunjja Diosajj take cuntï lurcatayna ucanac uñjatayna luratanacapampejj cusisitaynawa take cunasa sumataynawa. Takpach ucanacjja Adán Evanpiruw qhitinacatejj kallta parís jakeru lurcatayna jupanacaruw regalawayatayna. Chekpachansa paraisonjja Diosamp chict’ata wali cusisitapinïpjjänwa cuna pachatejj mä jan walipiniwa pasatayna… Jutirinwa cawquïritejj wali llaquisiña historiaquï ucat cuentapjjama. Uñstirinaca: Parliri (Insertar voces de animales) © Copyright: CEF Germany |