STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 140 (Dream job 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 041. من پسند نوکری ۱دھیان نال، چاہ گرم اے۔ (کپ وچ چمچ ہلاون دی واج) ہڈسن نے تقریباً آپنی جیب ساڑ ای لئی سی۔ انگلستان وچ ایہہ ہڈسن دے خاندان دا چاہ دا ویلا سی۔ تے ۰۵۱ سال بعد ایہہ بڑا چنگا ویلا سی۔ پیو سدا اوہناں نوں دور دے علاقے چین دے بارے وچ دسدا ہوندا سی۔ تے اچانک اوہ سنجیدہ ہو گیا۔ پیو: ”مینوں ایہدی سمجھ نہیں لگدی۔ کیوں بہتے مشنری چین نئیں جاندے؟ لکھاں چینیاں نے اجے تیک وی یسوع دے بارے وچ نہیں سُنیا۔“ ہڈسن: ”ابو، جدوں میَں وڈا ہو جاواں گا تے میَں اک مشنری بناں گا تے میَں چین جاواں گا۔“ ماں پیو پنج سال دے بچے دیاں گلاں اُتے ہسے۔ اوہ اکثر بیمار رہندا سی۔ اوہدے لئی مشنری بننا ناممکن گل سی۔ کیوں جو ہڈسن سکول نئیں جا سکدا سی ایس لئی اوہدی ماں اوہنوں گھر ای پڑھاوندی سی۔ ہڈسن اک کتابی کیڑا سی۔ ہڈسن: ”چنگا ہوندا جے میَں رات نوں بستر اُتے وی پڑھ سکدا۔ پر میَں ایہہ نہیں کر سکدا کیوں جو امی سدا لالٹین آپنے نال لے جاندی اے۔ میَں کوئی پرانی استعمال ہویاں موم بتیاں لبھاں گا۔“ اوسے شام اوہنے رب راکھا آکھ کے کمرے وچ جان تھوں پہلاں ای لُک کے آپنی پتلون دی بوجی بھر لئی۔ پر بدقسمتی نال! اوہدے خاندان دے اک پروہنے نے اوہنوں پھڑ کے اوہنوں آپنی جھولی وچ بٹھا لیا۔ تے اوہ اگ دے بالکل نیڑے بیٹھا سی! ہڈسن بڑا گرم ہو گیا تے اوہدی موم بتیاں دے ٹوٹے وی۔ اوہدا اک منٹ وی ایس طرح لنگدا پیاسی جس طرح گھنٹے۔ ماں: ”ہڈسن، ہن تیرے سون دا ویلا ہو گیا اے۔“ ہڈسن: ”رب راکھا!“ اوہدے کجھ ای چِر بعد، اوہدی ماں نے اوہنوں کمرے وچ ویکھیا اوہدیاں بوجیاں موم نال بھری ہوئیاں سن! ہڈسن شرمندہ سی پئی اوہ آپنی ماں توں لُک کے ایس طرح کردا پیا سی۔ اوہنے مُڑ کدی ایس طرح ناں کیتا۔ اوس کتابی کیڑے دا اک ای کم سی: آپنی بہن ایملی نوں تنگ کرنا۔ پراو بہتا اک دوجے دے نال ای رہندے سن تے مل کے کیڑیاں تے پرندیاں نوں پرکھدے رہندے سن۔ جدوں ہڈسن تیرہ سال دا سی، اوہنے دواواں دے بارے وچ آپنی تعلیم نوں شروع کیتا۔ اوہنے آپنی حیاتی لئی بڑے وڈے وڈے منصوبے بنائے۔ پر فیر اک دن اچانک اک چھُٹی نے اوہدی پوری حیاتی نوں بدل دِتا۔ اوہنے اک مسیحی کتاب پڑھی تے ایہدے بعد اوہنوں فوراً سمجھ وچ آ گیاپئی یسوع نے ہڈسن نال محبت کردے ہوئے آپنی جان دِتی تے فیر جیو کھلوتا۔ ہڈسن: ”خداوند یسوع، میرے نال محبت کرن لئی شکریہ۔ میَں تہاڈے اُتے ایمان لیاوندا اَں تے اوہ ای کراں گا جو تُسی مینوں کرن نوں آکھو گے۔ آمین۔“ اوہدی ایس دعا کرن دے بعد اوہنوں ایس طرح لگیا جیویں یسوع آکھدا ہووے: تے فیر میری خاطر چائنہ جا۔ جدوں اوہ پنج سال دا سی تے اوہدا ساریاں نالوں وڈا خواب ایہہ سی پئی اوہ مشنری بنے۔ جدوں اوہ ۷۱ سال دا سی، اوہنے آپنے آپ نوں آپنے مستقبل لئی تیار کیتا۔ شاید اوہدی تربیت تہانوں وی اُبھارے۔ اگلی کہانی وچ میَں تہانوں ہور دساں گی۔ تُسی ضرور ایہہ جاننا چاہو گے! لوک: بیان کرن والی، پیو، ہڈسن، ماں حقوق: بحق سی ای ایف جرمنی محفوظ نے۔ |