STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 103 (The voice of the unseen 3) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 301. نادیدہ دی واج ۳لُکے بھید والی بلدی ہوئی جھاڑی (اگ دے بلن دی واج)۔ اگ تے بھڑکی ہوئی سی پر اوہ سڑدی نئیں سی پئی۔ موسیٰ ہولی ہولی ٹُر کے کول گیا۔ اوہ کسے وی قیمت اُتے ایس بھید نوں سمجھنا چاہندا سی۔ موسیٰ: ”ایہہ تے بڑی ای عجیب گل اے۔ ایہہ کس طرح ہو سکدا اے پئی جھاڑی سڑدی وی نئیں پئی؟“ خدا: ”موسیٰ! موسیٰ!“ کسے نے اوہدا ناں لے کے واج ماری۔ پر دور دور تیک کوئی وی دِسدا نئیں پیا سی۔ خدا: ”موسیٰ!“ موسیٰ: ”ہاں۔ میَں حاضر اَں۔“ خدا: ”نیڑے آ۔ آپنی جُوتی لا دے۔ کیوں جو جس تھاں اُتے توں کھلوتا ایں اوہ پاک اے۔ میَں تیرا خدا اَں، جہدے اُتے تیرے باپ دا ایمان سی۔“ موسیٰ حیران رہ گیا۔ خدا اوتھے موجود سی! بلدی ہوئی جھاڑی دے وچ۔ موسیٰ کولوں ہور نہ ویکھیا گیا۔ اوہنے آپنے کپڑے نال آپنا مُنہ لُکا لیا۔ اوہنوں خدا دی واج بالکل صاف سُنی گئی۔ خدا: ”میَں مصر وچ دُکھ ویکھیا اے جیہڑا فرعون میرے لوکاں نوں دیندا پیا اے۔ میَں مدد لئی اوہناں دیاں پکاراں سُنیاں نے۔ ہن میَں اوہناں نوں رہائی دین والا اَں تے اوہناں نوں اک بڑے ودھیا مُلک وچ لے جاواں گا۔ موسیٰ، مینوں تیری ضرورت اے۔ توں فرعون دے کول جا تے میرے لوکاں نوں غلامی تھوں رہا کرا۔“ موسیٰ: ”میَں؟ میَں ای کیوں؟ میَں ایہہ نئیں کر سکدا۔“ موسیٰ دے کول سو طرح دے بہانے سن۔ اوہ ایہہ سوچ وی نئیں سکدا سی پئی خدا اوہنوں استعمال کر سکدا اے۔ پر خدا ایہدے بارے وچ بڑا سنجیدہ سی۔ موسیٰ لکھاں لوکاں نوں غلامی تھوں رہا کراون والا سی۔ تہاڈے تے میرے کول وی اک چھڈان والا اے۔ کیہ تُسی ایہہ جاندے ہو؟ جی بالکل، اسی مصر وچ غلام نئیں اَں۔ پر کوئی ہے جیہڑا سانوں گناہ وَل لے کے جاندا اے۔ شیطان۔ اوہ لوکاں نوں غلامی وچ لے کے جاندا اے تے اوہناں نوں رہا نئیں ہون دینا چاہندا۔ پر یسوع ساڈا زورآور چھڈان والا اے۔ اوہنے شیطان اُتے فتح پائی۔ یسوع اُتے ایمان سانوں رہائی دے سکدا اے۔ میَں تہاڈے لئی ایہو خواہش کردی اَں۔ خدا سانوں رہا کرانا چاہندا اے۔ ایسے لئی اوہنے یسوع نوں ساڈے کول گھلیا تے موسیٰ نوں مصر گھلیا۔ خدا نے موسیٰ نوں اوہدے کم لئی حوصلہ دتاتے اوہنوں کرامات کرن لئی زور بخشیا۔ پر ساریاں نالوں چنگا تحفہ اوہدا وعدہ سی۔ خدا نے آکھیا: ”موسیٰ، ڈر ناں۔ میَں تیرے نال جاواں گا تے تیری مدد کراں گا۔ تیرا بھرا وی تیرے نال جاوے گا۔ اوہ پہلاں ای راہ اُتے ٹُر پیا اے۔ اُٹھ کھلو تے جا۔“ خدا موسیٰ دے نال گیا۔ ایہو کافی سی۔ کیہ موسیٰ اسرائیلیاں نوں رہا کرا ن تے اوہناں نوں مصر وچوں کڈھن وچ کامیاب ہویا؟ لوک: بیان کرن والی، موسیٰ، خُدا حقوق: بحق سی ای ایف جرمنی محفوظ نے۔ |