STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 087 (I don't want to live any more) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 78. میں ہور جیوندا نئیں رہنا چاہندیسکول وچ نتیجیاں دا اعلان ہو گیا سی۔ سینڈرا بڑی خوش سی۔ اوہدے کولوں ہور اُڈیک نہیں سی پئی ہندی، اوہ آپنے ماں پیو نوں آپنا چنگا نتیجہ وکھانا چاہندی سی۔ پر کیل دی حالت کجھ وکھری سی۔ اوہنے سکول مکن دے بعد ہولی نال آپنا بستہ بند کیتا۔ بین: ”کیل، اسی دوپہر نوں پہاڑ ی دے راہ اُتے جاواں گے ناں؟“ کیل: ”نہیں، اج نہیں۔“ بین: ”ویلا ضائع کرنا چھڈ دے۔ کیہ توں ساری رات سکول وچ ای رہنا اے۔“ کیل: ” تُوں چلا جا۔ میَں گھر نہیں جانا چاہندا۔ ریاضی وچ ڈی درجہ، جرمنی دی زبان وچ ایف درجہ۔ جے میرے ابو نے ایہہ ویکھ لیا، تے اوہ تے مینوں جانوں مار دین گے۔ ایہدے نالوں چنگا اے میَں آپ ای آپنے آپ نوں مکا لواں۔ میَں ہن ہور جیوندا نہیں رہنا چاہندا۔ میَں بیوقوف اَں تے کوئی وی بے وقوفاں نوں پسند نہیں کردا۔“ بین: ”فضول گلاں بند کر۔ تیرے ابو تینوں بہت پیار کردے نے۔ اوہ تیرےلئی بڑے چنگے چنگے تحفے لیاوندے نے۔“ کیل: ”میرے ابو؟ اوہ بس اپنے آپ نال تے اپنے کم نال پیار کردے نے۔ باقی ہر شے اوہناں لئی ضروری نہیں اے۔“ بین: ”میرے ابو وی سدا چنگا نہیں کردے۔ اوہناں نوں بس پتہ لگ جاوے پئی میَں کجھ غلط کیتا اے۔ اوہ مینوں بڑی بُری طرح جھڑکدے نے۔ ایہدے نال مینوں بڑا دُکھ ہوندا اے۔ کئی واری تے میرا جیوندا رہن تے وی دل نہیں کردا۔“ کیل: ”اج تینوں کس طرح پیا لگدا اے؟“ بین: ”اج میَں جاندا اَں پئی یسوع موجود اے۔ اوہ مینوں پیار کردا اے، بھاویں میَں ناکام وی ہو جاواں۔ میَں سدا اوہدے کول جا سکدا اَں بھاویں میری لنگی زندگی چنگی ناں وی ہووے۔ او میرا بیلی اے، ویسے میَں اوہنوں ویکھ نہیں سکدا پر میَں جاندا اَں پئی اوہ سدا میرے نال اے۔ مینوں زورآور ہوون دی لوڑ نہیں اے؛ میَں تے اوہدے ہوندیاں رو وی سکدا اَں۔ ایہہ میرے لئی چنگا ہوندا اے، میَں تینوں دساں گا۔“ کیل: ”تیرے لئی چنگا اے! کاش میَں وی ایہدے اُتے یقین کرسکدا۔“ بین: ”آ پہاڑ اُتے سواری کر کے جاندے اَں تے گلاں کردے اَں۔ کیہ میَں تیرے نال گھر چلاں؟ جے تیرے نال کوئی ہووے گا تے ہو سکدا اے پئی تیرے ابو بہتا غصّہ ناں کرن۔“ کیل: ”ایہہ چنگا مشورہ اے۔ توں بڑا چنگا بیلی ایں۔“ بین: ”تے چھٹی دے بعد اسی سکُول دا کم کٹھے کر سکاں گے۔“ بین بڑا چنگا سی پئی اپنے بیلی دے نال جانا چاہندا سی۔ خیر کیل فیر وی پریشان سی۔ فیر اک معجزہ ہویا: جدوں کیل دے پیو نے اوہدا نتیجہ ویکھیا تے اوہ پریشان ناں ہوئے۔ سگوں اوہناں نے آپ وی قبول کیتا پئی جدوں اوہ سکول وچ سن تے اوہناں دا وی نتیجہ چنگا نہیں سی آوندا۔ ایہہ مشکل ہو سکدا اے جدوں ماں پیو امید کرن پئی اوہناں دا بچہ پورے نمبر لیاوے گا۔ پریسوع بالکل وکھرا اے۔ اوہ تہانوں قبول کر لیندا اے بھاویں تسی جس طرح دے وی ہوو۔ اوہ تہانوں تہاڈیاں خوبیاں تے گھاٹیاں دے نال ای پیار کردا اے۔ اوہ جاندا اے پئی تسی بڑے سارے کم ٹھیک کرسکدے ہو، تے اوہ اوہناں کماں نوں وی جاندا اے جیہڑے تہاڈے لئی مشکل نے۔ اوہ تہاڈی مدد کرنا چاہندا اے۔ ایس لئی ہمت نال کم لو تے اوہدے اُتے بھروسہ رکھو۔ جدوں تسی یسوع نوں جاندے او تے تسی آپ تھوں اپنی جماعت وچ ساریاں نالوں ودھیا نہیں بن سکدے، پر اوہ تہاڈی مدد کرے گا پئی تسی بہترین بن سکو۔ اوہ تہاڈی تربیت کر سکدا اے تے سیکھن دے سارے ویلے وچ خوشی دے سکدا اے۔ حوصلہ رکھو تے اوہدے اُتے بھروسہ رکھو۔ جِنا تسی سوچدے ہو، یسوع دی مدد دے نال تُسی اوہدے نالوں وی بہتا کر سکدے او! لوک: بیان کرن والی، بین، کیل حقوق: بحق سی ای ایف جرمنی محفوظ نے۔ |