STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 051 (Two gifts) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 15. دو تحفےپہلا بیلی: ”کیہ تہانوں پتہ اے ساڈے بیلی دا کیہ حال اے؟“ دوجا بیلی: ”بہت برا حال اے۔“ پہلا بیلی: ”ایہہ بڑے دُکھ دی گل اے پئی اک ای تھاں اُتے پیا رہنا تے ایدھر اودھر ٹُر پھر وی نہ سکنا۔“ دوجا بیلی: ”مینوں اوہدے بارے سوچ کے بڑا دُکھ ہوندا اے۔“ پہلا بیلی: ”سانوں اوہنوں یسوع دے کول لے کے جانا چاہیدا اے۔ اوہ کفرنحوم وچ اے۔ اوہ اوہنوں شفا دے سکدا اے۔“ ایہہ سچے بیلی سن۔ اوہناں آپنے لنگڑے بیلی دا ساتھ ناں چھڈیا۔ اوہ اوہنوں اوہدی چٹائی اُتے یسوع دے کول لے گئے۔ بدقسمتی نال اوہناں نوں اپڑن وچ چِر لگ گیا۔ یسوع جیہڑے گھر وچ کلام سنا وندا پیا سی اوہ پہلاں ای لوکاں نال بھریا ہویا سی۔ سگوں گھر دے بوہے اگے وی بہت سارے لوک سن۔ ایس لئی بوہے تھانی اندر جانا ممکن نئیں سی۔ ہر کوئی یسوع دیاں گلاں سننا چاہندا سی۔ کوئی وی خدا دے بارے وچ ایسی تعلیم نئیں سی دے سکدا جس طرح یسوع دیندا سی۔ دوجا بیلی: ”میرے کول اک طریقہ اے۔ کیہ تسی اوہ پوہڑیاں ویکھ سکدے ہو جیہڑیاں اُتے چھت ول پیاں جاندیاں نے؟“ پہلا بیلی: ”میں سمجھ سکدا آں تُوں کی پیا سوچدا ایں۔ آؤ ایسے طرح کردے آں! چلو آؤ۔“ اوہ سیڑھیاں دے راہ بڑے دھیان نال آپنے بیلی نوں اُتے چھت تک لے گئے۔ تے فیر اوہناں نے مٹی دے چھت وچ مورا کیتا تے آپنے بیمار بیلی نوں اوہدی چٹائی سَنے تھلے بالکل خداوند یسوع دے اگے لا دِتا۔ کیہ اوہ اوہدی مدد کرے گا؟ یسوع نے اُتے اوہناں بیلیاں وَل ویکھیا۔ اوہنے اوہناں دا ایمان ویکھیا تے لنگڑے بندے نوں آکھیا: یسوع: ”تیرے گناہ معاف ہوئے۔“ یسوع نے اوہنوں معافی دِتی۔ کسے نوں وی ایس گل دا اندازہ نئیں سی۔ کجھ لوکاں نے سوچیا: اوہ گناہ کس طرح معاف کر سکدا ہے؟ صرف خدا سانوں معاف کر سکدا اے۔ کیہ اوہ اجے وی نئیں سن سمجھے پئی یسوع خدا دا پتر اے تے گناہ معاف کر سکدا اے؟ یسوع جاندا سی پئی اوہ سارے کیہ پئے سوچدے نے۔ یسوع: ”تسی آپنے دلاں وچ کیہ سوچدے پئے او؟ بولن وچ کیہ سوکھا اے: ’تیرے گناہ معاف ہوئے‘ یا ’اٹھ کھلو‘ آپنی چٹائی چک، تے ٹُر پھر؟‘ تسی اگلی ای گھڑی وچ ویکھو گے پئی میَں ایہہ دونہویں کم کر سکدا اَں۔“ فیر یسوع نے لنگڑے بندے نوں آکھیا: یسوع: ”میَں تینوں حکم دیندا اَں: اُٹھ کھلو جا! آپنی چٹائی چک تے گھر ٹُر جا۔“ کوئی ہلیا وی نئیں۔ تے فیر لنگڑا بندا ٹُرن لگ پیا! اوہ کھلوتا، آپنی چٹائی طے کیتی، تے ٹُرن لگ پیا۔ یسوع اوہنوں شفا دے چکیا سی۔ ہر کسے نے ایس گل لئی خدا دی تعریف کیتی۔ اوہ حیرانگی نال بولے: لوک: ”اساں ایس توں پہلاں ایسا کدی کجھ نئیں ویکھیا!“ اک بندہ بہت زیادہ برکت پا کے گھر نوں گیا۔ اوہ کیہڑے دو تحفے نے جیہڑے یسوع نے لنگڑے بندے نوں دِتے سن؟ سانوں لکھ کے گھلو تے اسی تہانوں جواب دواں گے۔ تے ہمیشہ یاد رکھو: یسوع تہانوں برکت دیندا چاہندا اے! لوک: بیان کرن والی، دو بیلی، یسوع، لوک حقوق: بحق سی ای ایف جرمنی محفوظ نے۔ |