Macedonian, Dramas: Piece 081 – Човек во морето 1

Home -- Macedonian -- Perform a PLAY -- 081 (Man over board 1)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- MACEDONIAN -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

КУСИ ИЗВЕДБИ – одглуми ги пред други деца!

Куси изведби за да ги изведуваат деца

81. Човек во морето 1

Дојди со нас, одиме да го разгледаме градот!

Момче: „Тврдината е одлична. Одам да ги видам стражарските кули“.

Девојче: „Попрво би одела во библиотеката. Би можела таму да прелистувам повеќе часови“.

Момче: „Царската палата. Леле, колку е прекрасно!“

Девојче: „Ќе одам во зоолошката градина“.

Момче: „Ќе одиш ли да ги посетиш твоите роднини таму?“ (звук на смеење)

Пред многу години, Бог погледнал кон овој град. Не дозволил да биде импресиониран од убавиот изглед. Тој видел што се крие зад тоа – многу омраза и борби, предавства и убиства. Луѓето во тој град живееле како Бог и Неговите правила воопшто да не постојат. Тие Го заборавиле нивниот Создател. Тоа е најлошото нешто што може некому да му се случи.

Ако Бог погледне одблизу во твојот живот, што ќе види?

Тој мора да го казни гревот затоа што е свет. Но, истовремено, Бог е Бог Кој љуби и повеќе сака да ги спаси луѓето, па затоа сакал да ги предупреди.

Бог проговори: „Јона, оди во светски познатиот град Ниневија. Проповедај за тоа дека ќе ги казнам за нивните гревови. Зашто овие луѓе ме заборавија“.

Јона отишол, но не во Ниневија.

(звук на трчање, тешко дишење)

Јона: „Нема да одам во Ниневија! Кај непријателите на нашата земја? Не сум луд. Заслужуваат да умрат. Еј, има брод на пристаништето. Ќе им платам добро и ќе отпловам далеку одовде“.

Бегањето од Бог е скапо. Јона се качил на бродот во просторот за складирање и преморен заспал меѓу бурињата и кутиите. Јона бил глупав. Може ли човек да избега од Бог? Да заминеме и на крајовите на земјата, Тој пак ќе нè види. И Бог сè уште го гледал Јона.

Почнала страшна бура. Членовите на екипажот на бродот викале кон своите богови. Живиот Бог Кој можел да ги спаси им бил непознат. Го фрлиле товарот од бродот за да го олеснат. Капетанот го протресол Јона за да се разбуди.

Капетанот: „Еј, разбуди се! Повикај го твојот Бог, можеби, Тој може да нè спаси“.

Јона веднаш се разбудил. Е, сè излегло на виделина.

Морнарот: „Кој си ти? И од каде доаѓаш? Која е твојата професија?“

Јона: „Јас сум Јона. Го обожавам Бог Кој ги создаде небото и земјата. Јас сум виновен за предизвикувањето на бурата затоа што му бев непослушен на Бог“.

Морнарот: „И што треба да правиме сега?“

Јона: „Фрлете ме во морето и тогаш морето повторно ќе стане мирно и Бог ќе ве спаси“.

Првин не сакале да го направат тоа, но потоа морнарите го фатиле Јона и го фрлиле од бродот. (звук на прскање вода)

Дали ова било крајот за Јона? Не! Авантурата само што почна.

И ќе продолжи во следната драма.

Улоги: Раскажувач, момче, девојче, Бог, Јона, капетан, морнар.

STORIES for CHILDREN by Sister Farida

81. Човек во морето 1