Home -- Malagasy -- Perform a PLAY -- 066 (He's finally here)
66. Tonga ihany izy tamin'ny farany
Sven: "Rahoviana izy no ho tonga?"
Tsy afaka niandry intsony i Sven. Mihazakazaka mankany amin'ny varavarankely izy.
Sven: "Mama a! rahoviana i Dada no mody?"
Mama: "Tsy tokony ho ela intsony izy. Nikasa ny hiverina avy any amin'ny diany mahakasika ny varotra izy androany, manantena aho fa tsy ho tafahitsoka ao anatin'ny fitohanan'ny fifamoivoizana izy."
Sven: "Hitondra lalao vaovao amin'ny solosaina ho ahy izy. Raha mba izao anie izy no tonga!"
Raha mba izao izy no tonga! Nihevitra zavatra toy izany koa ny Israelita, taona maro lasa izay. Niandry izy ireo ary nanantena fa ho avy tsy ho ela Izy, ilay Mpamonjy izay nampanantenain'Andriamanitra. Tsy nahandry i Andrea. Nanantena an'ilay olona hitondra famonjena sy fiadanana izy. Ny tena tiany indrindra dia ny niaraka tamin'i Jaona. Niresaka momba Azy foana izy ary nahita Azy mihitsy aza!
Ary indro fa tonga ilay andro tsara indrindra teo amin'ny fiainan'i André.
Nijoro teo akaikin'i Jaona teo amoron'ny ony Jordana Izy raha niantsoantso tampoka i Jaona:
Jaona: "Jereo, io Tonga io Izy, Jesoa Ilay Mpamonjy nampanantenaina."
Nijery ny toerana nisy an'i Jesoa i Andrea.
Andrea: "Tonga Izy, Tonga ihany Izy!"
Te hahafantatra an'i Jesoa i Andrea. Niara-nandeha tamin'ny namany tao aorian'i Jesoa izy. Fantatr'i Jesoa tsara hoe iza no tena nitady azy sy te hahafantatra azy. Nitodika izy ary nanontany hoe:
Jesoa: "Iza no tadiavinareo? Inona no ilainareo?"
Andrea: "Aiza ianao no mipetraka?"
Jesoa: "Andao hiaraka amiko, dia hasehoko anareo."
Tamim-pifaliana sy fientanentanana no nanarahany an'i Jesoa. Ary nahita ny toerana izay nonenany izy, ary nitoetra teo Aminy nandritra iny andro iny.
Ny miaraka amin'i Jesoa no fifaliana lehibe indrindra. Fantatrao ve izany fifaliana izany? Mety ho tena faly be i Andrea. Tena maika mihitsy izy hilaza amin'ny olona ity traikefa nahafinaritra ity!
Ambarao fotsiny, dia ampy izay! Iza no azonao iresahana momba an'i Jesoa amin'izao andro izao?
Niresaka momba izany tamin'ny rahalahiny aloha i Andrea.
Andrea: "Simona, hitanay izy! Tonga eto Jesoa. Andao miaraka amiko, tena mila mahafantatra azy ianao!"
Mifindra haingana ny fientanentanan'i Andrea. Simona nino ny rahalahiny, dia nandeha niaraka taminy.
Toy ny hoe niandry azy i Jesoa. Fantatr'i Jesoa mihitsy aza ny fanampin'anarany.
Jesoa: "Ianao no Simona. Saingy manomboka izao; dia hatao hoe Petera ianao."
Anarana vaovao. Midika izany fa hataon'i Jesoa ho olom-baovao izy. Ny fitadiavana sy fanarahana an'i Jesoa dia hanova antsika ho amin'ny tsaratsara kokoa.
Manome herim-po ahy izany, satria manova ahy koa izany.
Mpandray anjara: Mpitantara, Sven, mama, Jaona, Andrea, Jesoa
© Zon'ny mpamorona: CEF Alemaina